Hünenborg (Bauen)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 28832 | |
| Vörwahl: | 04202 | |
| Geograafsche Laag: | Koordinaten:52° 60′ N, 9° 4′ O52° 60′ N, 9° 4′ O | |
|
| ||
De Hünenborg (hoochdüütsch Hünenburg) weer en lütten Oort in de Gemeen Achem in’n Landkreis Veern, Neddersassen. Binnen de Gemeen höört dat Rebeed to’n Oortsdeel Bauen.
Geografie
[ännern | Bornkood ännern]De Hünenborg liggt op de Geestkant von de Achem-Veerner Geest hen na de Werser un nich wied af von de Steed, an de de Ole Aller in de Werser münnt is.
Historie
[ännern | Bornkood ännern]An de Steed von de Hünenborg hett dat en Ringwallanlaag ut dat Middelöller geven. Later, as de Anlaag nich mehr bruukt worrn is un ut dat Gedächtnis verswunnen, hebbt de Lüüd de Anlaag as dat Wark von Hünen opfaat un den Naam Hünenborg präägt.
Bet in dat 19. Johrhunnert stünn dor blots en enkelt Huus. 1913 hett de Bremer Koopmann Bernhard Hinrich Waßmann dat Gelänn von de ole Borganlaag köfft un an de Steed na Plaans von’n Architekt Hans Grashorn en Villa in’n Jugendstil boot. 1914 weer dat Huus trech un de Familie Waßmann is dor intagen. 1952 hett Waßmann sien Weetfro Marie Waßmann de Villa an’n Bremer Koopmann Robert Kraemer verköfft. Na Kraemer sien Dood is de Villa an de Weetfro Helene Kraemer gahn. As Helene Kraemer 1987 ok doodbleven is, hett de Robert-Kraemer-Stiftung dat Gebüüd övernahmen. De Stiftung hett de Villa an’n Landkreis Veern överdragen un de överlett dat Gebüüd den Vereen Hünenborg, de de Villa as Dreeppunkt för Weertschop, Wetenschop un Kultur bedrifft.
Dat Gebüüd is as Bodenkmaal schuult.
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Bauen in’n Kanton Achem höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Oostvaagdie in dat Gogericht Achem tohöört un von 1852 bet 1885 to dat Amt Achem. Na 1885 weer dat in’n Kreis Achem. 1932 is dat Deel von’n Kreis Veern worrn.
De Oort hett von öllers bi de Gemeen Bauen mit bihöört, de an’n 1. Juli 1972 mit de Gemeenreform in Neddersassen Deel von de Gemeen Achem worrn is.
Inwahnertall
[ännern | Bornkood ännern]| Johr | Inwahners |
|---|---|
| 1791[1] | 1 Füürsteed |
| 1812[2] | 13 |
| 1824[3] | 1 Füürsteed |
| 1848[4] | 10 Lüüd, 2 Hüüs |
| 1. Dezember 1871[5] | 12 Lüüd, 3 Hüüs |
| 1. Dezember 1885[6] | 10 Lüüd, 2 Hüüs |
| 1. Dezember 1905[7] | 6 Lüüd, 1 Huus |
Religion
[ännern | Bornkood ännern]De ole Oort Hünenborg is evangeelsch-luthersch präägt un höört to dat Kaspel von de Laurentius-Kark in Achem.
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 118
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 95
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 306
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 142
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 165
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 176
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 2
Weblenken
[ännern | Bornkood ännern]- Websteed von’n Vereen Hünenborg (hoochdüütsch)
|
De Artikel „Hünenborg (Bauen)“ is een exklusiven Artikel up de Plattdüütsche Wikiepdia. In anner Spraakuutgaven is de nich to finnen. |