Birgit Lemmermann

Vun Wikipedia
Zur Navigation springen Zur Suche springen

Birgit Lemmermann (* 1. März 1962 in Klethen bi Ohlers) is en plattdüütsche Schrieversche.

Leven[ännern | Bornkood ännern]

Lemmermann is 1962 in Klethen op de Stoder Geest boren un dor ok opwussen. Later hett se in Buxthu Abitur maakt un in Kassel op Lehramt studeert un weer vun 1991 af an Lehrerin an de Waldorfschool Otterbarg. Nodem se as Kunst-, Sport- un Warklehrerin an dat Raatsgymnasium Rodenborg arbeidt hett, is se siet 2016 an dat Au-Geest-Gymnasium in Harsfeld. Lemmermann leevt nu weer in Ohlers. Vörher hett se in Ünnerst bi Rodenborg wohnt.

Warken as Schrieversche[ännern | Bornkood ännern]

Mit dat Schrieven op Platt anfungen harr se, nadem 1992 ehr Söhn boren is. Se wull em Plattdüütsch optrecken, man dat geev kuum Böker för Kinner op Platt. Dorüm hett se sülvst anfungen, welke to schrieven, dree Kinnerböker över Emil, den lütten Teddyboor. Man ehr Jung wurr grötter, un do hett se de Idee kregen, ok wat för junge Lüüd to schrieven. För dit Book Ebbe un Hehn hett Lemmermann in’n September 2007 in Bemsen den Lüttjepütt-Pries kregen un in’n November ok noch den Pries Plattdüütsch Book vun’t Johr, de Pries word vergeven vun dat Institut för Nedderdüütsche Spraak un de Töpfer-Stiftung in Hamborg. Dat Book is 2008 ok as Höörbook rutkomen. Se leest sülvst. 2006 harr se bi Vertell doch mol - ’n Schrievwettstried vun de NDR - den eersten Platz maakt. 2004 kreeg se bi’n Freudenthal-Pries den drüdden Platz, 2007 den tweten Platz, 2008 den Förderpries un 2012 den eersten Platz. 2011 hett se ok den Klaus-Groth-Pries kregen. 2009 hett Birgit Lemmermann för ehr Höörspeel Kaffeetafel mit Fleeg den Hans-Henning-Holm-Pries tosproken kregen un 2013 hett dat den Heinrich-Schmidt-Barrien-Pries geven.

Warken[ännern | Bornkood ännern]

Weblenken[ännern | Bornkood ännern]