Dannen

Vun Wikipedia
Zur Navigation springen Zur Suche springen
Dann in Monetenegro

De Dann (f. pl. Dannen) (lat. Abies) is een up de ganz nordlik Halfkugel to finnende Nadelboom. De Dannen sünn jümmergröne Bööm, dat heet, see smitt eer Nadeln nich too jeden Winter af. Alle söss / söben / acht Johr billt se nee Nadeln ut. De Telken wasst in de Regel direkt inne waag vun'n Stamm af un hingt mit de Tied un mit dat Öller erst na ünnen. De Wötteln wasst as Pahlwöttel ganz deep in’e Eer rin. Vele Dannen ward föfftig bet söbentig Meter hooch. De Rinn is in junge Johren düster bet gries, glatt un horzig. Wenn de Boom öller ward, ward see witt bet sülvrig, wat eer den Binamen Witt- oder Sülverdannen inbröcht het. Wiel de Dannenbööm schöön graad wassen doot un dat Holt sik na’n Drögen blots wenig vertrecken deit, ward dat geern vun de Timmerlüüd, Dischers oder ok Orgelboers bruukt.

Weblenken[ännern | Bornkood ännern]

Commons-logo.svg Dannen. Mehr Biller, Videos oder Audiodateien to’t Thema gifft dat bi Wikimedia Commons.