Riep (Landkreis Rodenborg)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Riep
Laag vun Riep in Düütschland
Basisdaten
Bundsland: Neddersassen
Landkreis: Rodenborg
Samtgemeen: Fintel
Gemeen: Vahl
Inwahners:
Postleettall: 27389
Vörwahl: 04267
Geograafsche Laag:
Koordinaten:53° 13′ N, 9° 36′ O
53° 13′ N, 9° 36′ O

Riep (hoochdüütsch Riepe) is en lütten Oort in de Gemeen Vahl (Samtgemeen Fintel) in’n Landkreis Rodenborg, Neddersassen.

Von’n Rest von de Gemeen Vahl is Riep dör en Striepen Land aftrennt, de to de Gemeen Lauenbrüch tohöört. Dormit billt Riep en Exklaav von de Gemeen.

Geografie[ännern | Bornkood ännern]

De Oort liggt in en Rebeed mit veel Holt. Dat Land in’n Noordoosten weer fröher allens Moor (Deel von dat Königsmoor). Dat Water flütt över Stellbeek un annere lüttjere Waterlööp na de Wümm hen af, de annerthalv Kilometer in’n Noordoosten langsflütt. In’n Noorden liggt dat Naturschuulrebeed Sniggenstieg.

De Naveröörd sünd Wümm, Königsmoor un Dreehusen in’n Noordoosten, Stell in’n Oosten, Fintel un Vahl in’n Süüdoosten, Benkeloh in’n Süden, Lauenbrüch in’n Süüdwesten un Stemmen mit Neddervieh, dat Rode Moor un Stemmerfeld in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Lauenbrüch in’n Kanton Töst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Amtsvaagdie Scheeßl in dat Amt Rodenborg tohöört. Na 1885 weer dat in’n Kreis Rodenborg, de 1977 mit’n Landkreis Bremervöör to’n ne’en un grötteren Landkreis Rodenborg tohoopgahn is.

De Oort höört von öllers bi de Buurschop un later de Gemeen Vahl mit bi.

Inwahnertall[ännern | Bornkood ännern]

Johr Inwahners
1791-00-001791[1] 2 Füürsteden
1812-00-001812[2] 25
1824-00-001824[3] 5 Füürsteden
1848-00-001848[4] 42 Lüüd. 7 Hüüs
1871-12-011. Dezember 1871[5] 41 Lüüd. 7 Hüüs
1885-12-011. Dezember 1885[6] 43 Lüüd. 8 Hüüs
1905-12-011. Dezember 1905[7] 47 Lüüd. 8 Hüüs

Religion[ännern | Bornkood ännern]

Riep is evangeelsch-luthersch präägt un höört to dat Kaspel von de Tönjes-Kark in Fintel. Bet 1940 hett de Oort noch to dat Kaspel von de Lucas-Kark in Scheeßl höört.

För de Kathoolschen is de Corpus-Christi-Kark in Rodenborg tostännig.

Kultur[ännern | Bornkood ännern]

In Riep besteiht siet 1984 de Diskothek Padam.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

An Riep langs löppt de Kreisstraat 222, de in’n Oosten na de K 221 geiht un in’n Süüdwesten na de K 212, de in Lauenbrüch in de Bundsstraat 75 münnt. De B 75 wedder föhrt von dor in’n Noordoosten na Töst un Bookholt un in’n Süüdwesten över Scheeßl na Rodenborg un Otterbarg.

De nächste Autobahn is de Autobahn 1 (Afsnidd HamborgBremen). De Opfohrt 47 Zittens liggt so 18 Kilometer in’n Noordwesten von Riep an de L 130.

De nächste Bahnhoff is so bi veer Kilometer wied weg in’n Süüdwesten de Bahnhoff Lauenbrüch an de Bahnlien Hamborg–Bremen. Düsse Bahnlien löppt ok direkt an de Hüüs von Riep langs.

Scholen[ännern | Bornkood ännern]

De Kinner ut Riep sünd fröher in Vahl na de Volksschool gahn. Siet 1965 gaht de Kinner na de Grundschool Lauenbrüch.

Literatur[ännern | Bornkood ännern]

  • Claus Stamann: Benkeloh, Riepe, Vahlde. Die Geschichte einer Gemeinde. 2016

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 191
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 61
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 510
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 152
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 169
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 180
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 152