Vieh (Huttenbusch)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Vieh
Laag vun Vieh in Düütschland
Basisdaten
Bundsland: Neddersassen
Landkreis: Oosterholt
Gemeen: Worpsweed
Inwahners:
Postleettall: 27726
Vörwahl: 04794
Geograafsche Laag:
Koordinaten:53° 16′ N, 8° 57′ O
53° 16′ N, 8° 57′ O

Vieh (hoochdüütsch Vieh) is en Oort in de Gemeen Worpsweed in’n Landkreis Oosterholt, Neddersassen. Binnen de Gemeen höört de Oort to de Oortschop Huttenbusch.

Geografie[ännern | Bornkood ännern]

De Oort liggt in dat Düvelsmoor in dat Moorland langs de Hamm. Dat Water ut dat Rebeed flütt af na de Schmoo.

De Naveröörd sünd Huttenbusch in’n Noorden, Huttendorp, Fiefhusen un Breddörpermoor in’n Noordoosten, Nee Sankt Jürgen in’n Süüdoosten, Överhamm in’n Süüdwesten un Düvelsmoor in’n Westen.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Worpsweed in’n Kanton Leendaal höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Moorvaagdie Huttenbusch in dat Amt Otterbarg tohöört un denn von 1852 bet 1885 to dat Amt Leendaal. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en un grötteren Kreis Oosterholt tohoopgahn is.

De Oort höört von öllers bi Huttenbusch mit bi. In’n Dezember 1970 hett de Gemeen Huttenbusch beslaten, sik de Samtgemeen Worpsweed antosluten, de bet 1974 Bestand harr. De Gemeen Huttenbusch is an’n 1. März 1974 mit de Gemeenreform in Neddersassen Deel von de Gemeen Worpsweed worrn.

Inwahnertall[ännern | Bornkood ännern]

Johr Inwahners
1791-00-001791[1] 5 Füürsteden
1812-00-001812[2] 38
1824-00-001824[3] 5 Füürsteden
1848-00-001848[4] 75 Lüüd. 9 Hüüs
1871-12-011. Dezember 1871[5] 47 Lüüd. 8 Hüüs

Religion[ännern | Bornkood ännern]

Vieh is evangeelsch-luthersch präägt un höört to dat Kaspel von de Kark Huttenbusch. De Kark is 1902 boot worrn un is 1951 egenstännige Karkengemeen worrn. Vörher hett de Oort to dat Kaspel von de Zion-Kark in Worpsweed höört. Bevör de Zion-Kark 1759 boot worrn is, weer de Oort Deel von dat Kaspel von de Willehadi-Kark in Scharmbeek.

För de Kathoolschen is de Goden-Hirt-Kark in Leendaal tostännig, de siet 1. September 2012 to de Karkengemeen von de Hillige-Familie-Kark in Oosterholt-Scharmbeek höört. De Goden-Hirt-Kark is 1961 boot worrn.

Weertschop un Infrastruktur[ännern | Bornkood ännern]

De freewillige Füürwehr Huttenbusch is för Vieh mit tostännig.

Verkehr[ännern | Bornkood ännern]

Dör Vieh löppt de Landsstraat 165, de in’n Noorden över Huttenbusch, Huttendorp, Oostersood un Noordsood na Korlshöben geiht un in’n Süden in Nee Sankt Jürgen an de L 153 ran. De L 153 geiht denn in’n Süden wieder na Worpsweed un Leendaal un in’n Westen na Pennigbüttel bi Oosterholt-Scharmbeek an de Bundsstraat 74. In’n Noordoosten löppt en lüttjere Straat över Breddörpermoor na Breddörp.

De Opfohrt 16 Bremen-Noord op de Autobahn 27/270 liggt so 24 Kilometer in’n Süüdwesten von Vieh an de B 74. De Opfohrt 17 Dreeeck Bremen-Industriehavens op de Autobahn 27/281 liggt lieker wied in’n Süüdwesten.

De nächste Bahnhoff is so bi 15 Kilometer wied weg in’n Süüdwesten de Bahnhoff Oosterholt-Scharmbeek an de Bahnlien Bremen–Bremerhoben. De Bahnhoff Ollenbüttel liggt 16 Kilometer in’n Noordwesten. Von 1911 bet 1978 hett dat in Huttenbusch ok en Bahnhoff an de Bahnlien Stood–Oosterholt geven. Disse Bahnhoff weer en knappen Kilometer in’n Noordoosten. De Bahnhoff Nee Sankt Jürgen leeg annerthalv Kilometer in’n Süden.

Scholen[ännern | Bornkood ännern]

De Kinner ut Vieh gaht na de Grundschool Huttenbusch.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 235
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 96
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 620
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 139
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 160