Senaat (Belize)

Gebüüd von de Natschonaalversammlung in Belmopan, in dat de Senaat daagt

De Senaat is een von de twee Kamern von de Natschonaalversammlung von Brietsch-Honduras (1965–1973) un Belize (siet 1973). De annere is dat Repräsentantenhuus. Dat polietsche System von Belize is von dat brietsche System präägt un de Senaat billt dat Pendant to dat brietsche Böverhuus (House of Lords).

Historie

Den Senaat gifft dat siet 1965, as en nee Verfaten in Kraft gahn is. Vörher harr Brietsch-Honduras mit de Legislativversammlung en Eenkamersystem.

Na de Verfaten von 1965 weer dat noch so, dat de Senaat acht Maten harr, von de fiev von de Regeren kemen, twee von de Oppositschoon un een is von’n Generaalguvernör na egen Denken beropen worrn.

Anfang 2002 is de Verfaten ännert worrn, dat de Senaat op 12 Maten vergröttert warrt. Von de 12 Maten sünd söss von de Regeren, dree von de Oppositschoon un je een von de Ünnernehmens, de Gewerkschaften un de Karken.

Tohoop mit de Parlamentswahl in Belize 2008 hett dat an’n 7. Februar 2008 en Referendum geven (Referendum in Belize 2008), in dat de Börgers afstimmen dröffen, wat de Senaat in Tokumst wählt warrn schall. Dat weer dat eerste Referendum in de Geschicht von Belize. De Wählers hebbt sik mit 61 % von de Stimmen för en wählten Senaat utspraken. De Regeren aver hett de ringe Wahlbedeligung von 47 % as Grund nahmen, dat Resultaat von dat Referendum nich ümtosetten.

An’n 10. Januar 2017 is de Senaat op 13 Maten vergröttert worrn, as Osmany Salas as Vertreder von de NGOs nee in’n Senaat rinwählt worrn is.

Regeln

De Senaat hett dörteihn Maten. De Amtstied is normalerwies fiev Johr. Offiziell beropen warrt de Maten von’n Generaalguvernör. Dat Vörslagsrecht hebbt aver de beiden groten Partein, de negen Maten beropen dröfft (söss von de Regeren, vertreden dör’n Premierminister, dree von de Oppositschoon, vertreden dör’n Oppositschoonsföhrer). Tosätzlich warrt von de Ünnernehmens, de Gewerkschaften, de Karken un de NGOs ok noch veer Maten beropen.

Opgaav von’n Senaat is, de Gesetten un Verdrääg to ratifizeren, de de Regeren utarbeidt. Ok de Baadschoppers un Böversten Richters von Belize warrt von’n Senaat beropen.

En Senater mutt opminnst 21 Johr oold ween, mutt Börger von Belize ween (un dröff keen Börger von annere Länner ween) un mutt een Johr in Belize leevt hebben. Maten von dat Repräsentantenhuus un Maten von Polizei (Belize Police Department) un Militär (Belize Defence Force) dröfft keen Senater ween.

Ministers un Staatsministers mööt in Belize Maat von Repräsentantenhuus oder Senaat ween. Dorüm is dat faken so, dat de Regeren Lüüd in’n Senaat beröppt, de bi de Wahl keen Mandaat in dat Repräsentantenhuus winnen kunnen, so dat se en Ministeramt övernehmen dröfft.

In de Verfaten von Belize is de Rull von’n Senaat in de Paragrafen 61–66 fastleggt.

Maten (unvullstännig)

1965–1969

Präsident: Ewart W. Francis

Regeren (PUP): Sam Vernon, James Nathaniel Meighan, Jesus Ken, Vernon Harrison Courtenay, Elsa Vasquez

Oppositschoon (NIP): Reginald Brooks, Simeon Agapito Hassock

Annere: Vernon Hamilton Burn Leslie

1969–1974

Präsident: Ewart W. Francis

Regeren (PUP): James Nathaniel Meighan, Joseph Gray, Allan Castillo, A. E. M. Perez, Idolly Simpson

Oppositschoon (NIP): Simeon Agapito Hassock, Ulric Rollington Fuller

Annere: Tomas Salam

1974–1979

Präsident: Elito Urbina

Regeren (PUP): Assad Shoman, Said Musa, Joseph Gray, Venancia Petillo

Oppositschoon (UDP): Kenneth Tillett, Teodocio Ochoa

Annere: Ismael Gomez

1979–1984

Präsident: George Dakers, William Coffin, Gadsby Ramos

Regeren (PUP): C. L. B. Rogers, Gadsby Ramos (–24. Januar 1984) -> Allan Arthurs (Anfang 1984–Dezember 1984), Alvan Fuller

Oppositschoon (UDP): Manuel Esquivel, Elodio Aragon Senior

Annere: ?

1984–1989

Präsident: Doris June Garcia

Regeren (UDP): Alfredo Martinez, Anastacio Castaneda, Michael Finnegan, Cyril Davis, Silas Cayetano

Oppositschoon (PUP): Ramon Cervantes, Vernon Harrison Courtenay

Annere: Kathleen Hope

1989–1993

Präsident: Jane Usher

Regeren (PUP): Ralph Fonseca, Rolando Perdomo, Conrad Lewis, Santiago Rosado, Winston Smiling

Oppositschoon (UDP): Gregorio Aleman, Solomon Lewis

Annere: Rita Salazar

1993–1998

Präsident: Edward Flowers

Regeren (UDP): Wilfred Elrington, Leliz Carballo, Alfredo Martinez (1997–1998), Guadalupe Longsworth, Lucio Eloy Navarro

Oppositschoon (PUP): Dolores Balderamos-García, Jose Coye

?: Carmita Contreras, Evan X Hyde

1998–2003

Anfang 2002 is de Senaat von 8 op 12 Maten vergröttert worrn.

Präsident: Elizabeth Zabaneh, Sylvia Flores

Regeren (PUP): Francis Castillo (1998–Oktober 1999) -> Godfrey Smith (Oktober 1999–2003), Eamon Courtenay, Barry Bowen, Clara Zetina, Richard Bradley, Assad Shoman (2002–2003)

Oppositschoon (UDP): Audrey Matura (1998–2000), Oscar Ayuso (Februar 1999–2003), Marilyn Williams, Maria Windsor (Januar 2002–2003)

Annere: Brenda Armstrong (1998–2002)

Gewerkschaften: ? (2002–2003)

Karken: ? (2002–2003)

Ünnernehmers: ? (2002–2003)

2003–2008

Präsident: Philip Zuniga

Regeren (PUP): Richard Bradley, Eamon Courtenay (2003–2004, 12. April 2006–5. Juni 2007) -> Lisa Shoman (5. Juni 2007–März 2008), Barry Bowen, Therese Rath (2003–August 2004) -> Assad Shoman (August 2004–März 2008), Vincent Parks, Patricia Lopez (2003–April 2006) -> Anthony Chanona (April 2006–13. September 2007) -> David Hoy (November 2007–März 2008), Dolores Balderamos-García (2005–März 2008), Roy Cayetano (–März 2008)

Oppositschoon (UDP): Arthur William Roches (2003–Oktober 2006), Marcel Cardona (2003–Oktober 2006), Ambrose Tillett (2003–Oktober 2006) -> Esther Ayuso (Oktober 2006–März 2008), Deborah Mencias McMillan (Oktober 2006–März 2008), Diego Bol (Oktober 2006–März 2008)

Gewerkschaften: Rene Gomez

Karken: Moises Chan (2003–Februar 2007) -> vakant (Februar 2007–März 2008)

Ünnernehmers: Godwin Hulse

2008–2012

Präsident: Andrea Gill

Regeren (UDP): Carla Barnett, Doug Singh, Juliet Thimbriel (März 2008–August 2008), Deborah Mencias McMillan (März 2008–2009) -> Omar Figueroa (2009–2012), Lee Mark Chang (18. August 2010–2012), Eddie John Webster (März 2008–18. August 2010) -> Frank Mena (18. August 2010–2012), Pulcheria Teul (März 2008–August 2009) -> Anwar Barrow (August 2009–2012), Roosevelt Blades

Oppositschoon (PUP): Rodwell Ferguson (März 2008–29. April 2008), David Hoy (März 2008–29. April 2008), Magali Marin-Young (März 2008–29. April 2008), Hector Silva (29. April 2008–September 2009), Eiden Salazar (29. April 2008–September 2009), Corona Villafranco (29. April 2008–November 2011), Eamon Courtenay (September 2009–2012), Lisa Shoman (September 2009–2012)

Gewerkschaften: Paul Perriott

Karken: Henry Gordon

Ünnernehmers: Godwin Hulse

2012–2015

Präsident: Marco Pech

Regeren (UDP): Godwin Hulse, Lisel Alamilla, Gerardo Marconi Sosa, Joy Grant, Juliet Thimbriel, Charles Gibson

Oppositschoon (PUP): Karen Bodden (2012–März 2014) -> Anthony Sylvestre Jr. (März 2014–2015), Collet Montejo (2012–März 2014) -> Patrick Jason Andrews (März 2014–2015), Lisa Shoman

Gewerkschaften: Ray Davis

Karken: Noel Leslie

Ünnernehmers: Mark Lizarraga

2015–2020

Präsident: Lee Mark Chang, Darrell Bradley

Regeren (UDP): Michael Peyrefitte, Carla Barnett, Steven Duncan (–Februar 2020) -> Payal Ghanwani (März 2020–2020), Godwin Hulse, Macario Coy, Aldo Salazar, Francine Burns (2015–August 2016) -> Vanessa Retreage (August 2016–Dezember 2016)

Oppositschoon (PUP): Lisa Shoman (2015–März 2016), Anthony Sylvestre Jr. (2015–März 2016), Patrick Jason Andrews (2015–März 2016), Paul Thompson (März 2016–30. August 2019) -> Louis Zabaneh (30. August 2019–2020), Eamon Courtenay (März 2016–Juni 2019) -> Michel Chebat (Juni 2019–2020), Valerie Woods (März 2016–30. August 2019) -> Isabel Bennett (30. August 2019–2020)

Gewerkschaften: Ray Davis (2015–Harvst 2015) -> Elena Smith (27. Januar 2016–2020)

Karken: Ashley Rocke

NGOs: Osmany Salas (10. Januar 2017–2020)

Ünnernehmers: Mark Lizarraga

2020–2025

Präsident:

Regeren (PUP):

Oppositschoon (UDP):

Gewerkschaften:

Karken:

NGOs:

Ünnernehmers:

Präsidenten

Präsident un Viezpräsident von’n Senaat warrt in de eerste Sitzung na en Wahl wählt. De Präsident dröff Maat von’n Senaat ween, kann aver ok von buten kamen. De Präsident dröff aver keen Minister ween. De Viezpräsident mutt Maat von’n Senaat ween, dröff aver ok keen Ministeramt hebben.

• 12. März 1965–3. Oktober 1974: Ewart W. Francis
• 8. November 1974–27. Juli 1979: Elito Urbina
• 30. November 1979–21. März 1980: George Dakers
• 23. Mai 1980–5. Mai 1983: William Coffin
• 24. Januar 1984–9. November 1984: Gadsby Ramos
• 21. Dezember 1984–31. Juli 1989: Doris June Garcia
• 15. September 1989–1. Juni 1993: Jane Usher
• 16. Juli 1993–13. Juli 1998: Edward Flowers
• 12. September 1998–Juli 2001: Elizabeth Zabaneh
• 14. August 2001–4. Februar 2003: Sylvia Flores
• 4. April 2003–7. Januar 2008: Philip Zuniga
• 14. März 2008–3. Februar 2012: Andrea Gill
• 21. März 2012–September 2015: Marco Pech
• November 2015–21. April 2019: Lee Mark Chang
• 26. Juni 2019–November 2020: Darrell Bradley
• November 2020–:

Viezpräsidenten

• 1969–1974: James Nathaniel Meighan
• –24. Januar 1984: Gadsby Ramos
• 24. Januar 1984–: Alvan Fuller
• üm 1988: Anastacio Castaneda
• üm 1993: Leliz Carballo
• 2003–2008: Vincent Parks
• 2008–2009: Deborah Mencias McMillan
• 2010–2015: Juliet Thimbriel
• 2015–November 2020: Carla Barnett
• November 2020–:

Weblenken

• Websteed von’n Senaat (engelsch)