Ashley Rocke

Vun Wikipedia

Ashley Anthony Rocke is en Pastoor un Politiker ut Belize.

Rocke weer na’n Highschool-Afsluss an de Belize Junior Secondary School No. 1 (vondaag Edward P. Yorke High School) von 1978 bet 1980 op dat Belize Technical College un hett sik dor to’n Nettelektriker utbillen laten. Von 1980 bet 2001 weer Rocke bi de Belize Electricity Ltd. anstellt.

Rocke is Baptist. 1988 hett he an dat Barbados Baptist College en Associate Degree in Theologie maakt un is siet Mai 1990 Pastoor an de Lake Independence Baptist Church in Belize-Stadt.

He is 2015 as Repräsentant von de Karken in’n Senaat von Belize wählt worrn.

Rocke hett an’n 27. Februar 1984 Lisa Rocke freet.