Belize (Stadt)

Vun Wikipedia
(wiederwiest vun Belize-Stadt)
Zur Navigation springen Zur Suche springen
Wapen/Flagg Koort
Wapen unbekannt

Flagg vun Belize

Belize
Laag vun Belize in Belize
Basisdaten
Sitt: Belize
Distrikt: Belize
Inwahners: 63.423 (2018-00-002018)
Hööchd: 0 m över de See
Geograafsche Laag:
Koordinaten:17° 29′ N, 88° 11′ W
17° 29′ N, 88° 11′ W
Börgermeester: Zenaida Moya

Belize is de gröttste Stadt in dat Land Belize un weer bet 1970 ok de Hööftstadt (nu Belmopan binnen in’t Land). De Stadt hett so 70.800 Inwahners (schätzt, 2005). Se liggt op en Halvinsel an’n Stroom Belize an de Küst von de Karibische See. Dat is ok de wichtigste Haven un Weertschopsstandoort von dat Land.

Geschicht[ännern | Bornkood ännern]

Belize is so bi de Midd von’t 17. Johrhunnert von brietsche Holtfällers grünnt worrn. Dör de Laag an de Küst an de Münn von Stroom Belize (an’n Haulover Creek, een von de Arms von de Belize-Münn) dee sik de Oort anbeden. Dat Mahagoni un annere Eddelhölter de binnen in’t Land slagen worrn sünd, kunnen över den Stroom an de Küst flött warrn. Vör de Briten harrn al de Maya an de Steed en lütte Stadt, de Holzuz heten harr.

An’n 10. September 1931 is de Stadt swoor von’n groten Hurrikan von 1931 drapen worrn, bi den an de Küst von dat Land Belize so 2500 Lüüd doodbleven sünd, en groten Deel dorvon in de Stadt Beliz. Ok 1961 wedder is de Stadt von en Storm drapen worrn, ditmal an’n 31. Oktober de Hurrikan Hattie, de en groten Deel von de Stadt överswemmt un toschannen richt hett. Dat weer ok een von de Grünn mit, dat 1970 Belmopan de Hööftstadt worrn is, dat binnen in’t Land liggt.

Panorama över Belize von üm un bi 1914
Blick över de Stadt (2008)

Inwahnertall[ännern | Bornkood ännern]

Johr Inwahners
1970-00-001970[1] 39.050
1980-00-001980[1] 39.771
1991-00-001991[1] 44.087
2000-00-002000[1] 49.050
2010-00-002010[2] 57.264
2018-00-002018[3] 63.423

De Inwahners weren bi’n Zensus 2000 to to 61 % Kreolen, 22 % Mestizen, to 6 % Garifuna un to 4 % Inders. De Rest hett sik op de verscheden annern Volksgruppen von Belize opdeelt.[2]

Börgermeesters[ännern | Bornkood ännern]

von bet Naam Partei
1956 1962 George Cadle Price PUP
1963 Frederick Westby PUP
üm 1977 Paul Rodriguez UDP
1981 1981 Remijio Montejo PUP
1981 Earl Ferguson PUP
1985 1985 Gustavo Bautista
1985 1986 Frank Lizama UDP
1986 Kenneth B. Smith
1992 David Fonseca PUP
1995 1998 Jose Coye PUP
1998 1. März 1999 Marshall Nuñez PUP
1. März 1999 1. März 2006 David Fonseca PUP
1. März 2006 7. März 2012 Zenaida Moya UDP
7. März 2012 9. März 2018 Darrell Bradley UDP
9. März 2018 Bernard Wagner PUP

Kultur[ännern | Bornkood ännern]

Dat Museum of Belize wiest Stücke to de Geschicht von dat Land Belize.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

De internatschonale Flooghaven för Belize is de Philip-S.-W.-Goldson-Flooghaven in Ladyville knapp teihn Kilometer buten de Stadt. De Stadtflooghaven Belize is dichter an’t Zentrum (blot een Kilometer af), is aver blot för Flöög binnen dat Land.

De beiden wichtigsten Straten sünd de Philip Goldson Highway, de na Noordwesten löppt un de George Price Highway, de na Süüdwesten löppt un Belize mit Belmopan verbinnt.

Gesundheit[ännern | Bornkood ännern]

Dat wichtigste Krankenhuus in de Stadt is dat Karl Heusner Memorial Hospital. Dat Holden Memorial Hospital hett von 1957 bet 1977 bestahn.

Footnoten[ännern | Bornkood ännern]

  1. a b c d Zensus 2000 (PDF) von dat Central Statistical Office of Belize
  2. a b Zensus 2010 (PDF) von dat Statistical Institute of Belize
  3. http://citypopulation.de/Belize_d.html

Weblenken[ännern | Bornkood ännern]

Commons-logo.svg Belize. Mehr Biller, Videos oder Audiodateien to’t Thema gifft dat bi Wikimedia Commons.