Ladyville

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Ladyville
Laag vun Ladyville in Belize
Basisdaten
Distrikt: Belize
Inwahners: 5.458 (2010-00-002010)
Hööchd: 59 m över de See
Geograafsche Laag:
Koordinaten:17° 33′ N, 88° 17′ W
17° 33′ N, 88° 17′ W

Ladyville is en Gemeen in’n Distrikt Belize von dat Land Belize.

De Öörd Ladyville un Lords Bank sünd deelwies tohoopwussen un billt en wichtigen Vöroort to Belize-Stadt.

Geografie[ännern | Bornkood ännern]

Luftbild von en Deel von Ladyville (2006)

De Oort liggt an dat linke Över von’n Belize River un an de Küst von de Karibische See.

De Naveröörd sünd Belize-Stadt in’n Süüdoosten, Western Paradise in’n Süden, Tropical Park in’n Süüdwesten, Lord’s Bank in’n Westen un Gentleville un Maxboro in’n Noordwesten.

Historie[ännern | Bornkood ännern]

De Speerspitzen ut de Tied 8000 v. Chr., de Thomas Kelly 1982 in Ladyville funnen hett, höört to de öllsten Funnen in ganz Belize.

Bet 2007 hett in’n Noorden von Ladyville en Shrimp-Farm von de Nova Companies Belize Limited bestahn (Belize Shrimp Growers Association).

Inwahnertall[ännern | Bornkood ännern]

Johr Inwahners
2000-00-002000[1] 3.472 Lüüd. 862 Huushollen
2010-00-002010[2] 5.458 Lüüd. 1.527 Huushollen

Weertschop un Infrastruktur[ännern | Bornkood ännern]

In Ladyville doot de Price Barracks liggen, in de de Belize Defence Force ehren Sitt hett.

De Oort liggt üm un bi twölv Kilometer von Belize-Stadt weg. Vele Inwahners sünd dorüm Pendlers in de Hööftstadt.

An Ünnernehmens gifft dat ünner annern de Belikin Brewery un de Affüllanlagen von Bowen and Bowen, Ltd., de Affüllers för Coca Cola in Belize sünd.

Verkehr[ännern | Bornkood ännern]

De Flegerhaven

De Oort liggt an’n Philip Goldson Highway, de in’n Noordwesten na Orange Walk un Corozal un wieder na de Grenz to Mexiko löppt un in’n Süüdoosten na Belize-Stadt.

Twüschen Ladyville un den George Price Highway in Western Paradise in’n Süden warrt opstunns (Stand 2019) en ne’e Straat boot.

In Ladyville liggt de gröttste Flegerhaven von Belize, de Philip S. W. Goldson International Airport.

Scholen[ännern | Bornkood ännern]

Dat gifft in Ladyville Grundscholen, de von verscheden Karken bedreven warrt: de röömsch-kathoolsche Kark, en evangelikale Kark un de Söventen-Dags-Adventisten. An Sekundärscholen gifft dat de Ladyville Technical High School un dat Tubal Trade Institute.

Footnoten[ännern | Bornkood ännern]

  1. Zensus 2000 (PDF) von dat Central Statistical Office of Belize
  2. Zensus 2010 (PDF) von dat Statistical Institute of Belize

Weblenken[ännern | Bornkood ännern]

Commons-logo.svg Ladyville. Mehr Biller, Videos oder Audiodateien to’t Thema gifft dat bi Wikimedia Commons.