St. George’s Caye

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
St. George’s Caye
Laag vun St. George’s Caye in Belize
Basisdaten
Distrikt: Belize
Inwahners: 656 (2010-00-002010)
Geograafsche Laag:
Koordinaten:17° 33′ N, 88° 4′ W
17° 33′ N, 88° 4′ W

Hotelanlaag op St. George’s Caye
Anlegger op dat Eiland

St. George’s Caye is en üm un bi 0,5 km² groot Eiland (Caye) in de Karibische See vör de Küst von Belize un gliektiedig en Gemeen in’n Distrikt Belize.

Dat liggt knapp 15 Kilometer in’n Noordoosten von Belize-Stadt.

Geografie[ännern | Bornkood ännern]

Dat Caye liggt in dat Belize Barrier Reef. Dat is formt as en Sees un is so üm un bi dree Kilometer lang, aver narms veel mehr as 200 Meter breed. Eilannen ümto sünd de Hick’s Cayes in’n Noordwesten, Long Caye un Little Frenchman Caye in’n Noorden, dat Turneffe-Atoll in’n Süüdoosten un de Drowned Cays un dat Water Cay in’n Süden. In’n Süüdwesten liggt dat Swallow Caye Wildlife Sanctuary. Dat Süüdwestenn von dat Eiland is as St. George’s Caye Mangrove Reserve schuult.

De Naveröörd sünd Caye Chapel un Caye Caulker in’n Noorden, Belize-Stadt in’n Süüdwesten un Ladyville in’n Westen.

Historie[ännern | Bornkood ännern]

Dat Eiland is üm 1650 rüm von de Briten besiedelt worrn. De Briten kemen toeerst as Freebüters in dat Rebeed, sünd denn aver as Holtfällers bleven. De spaansche Naam in düsse Tied weer Cayo Cocina. De engelsche Naam St. George’s Caye is eerst 1765/1766 opkamen, nadem de Siedlers den Oort na’n engelschen Natschonaalhilligen Georg nöömt hebbt.

St. George’s Caye weer in de eerste Tied de gröttste brietsche Oort in dat, wat later Brietsch-Honduras un Belize warrn schull. Eerst in dat 18. Johrhunnert hett Belize-Stadt de Rull as wichtigsten Oort von Belize övernahmen.

In’n Engelsch-Spaanschen Krieg (1779–1883) is dat Eiland 1779 von de Spaniers innahmen worrn. De Briten sünd per Schipp na Chetumal bröcht worrn, denn över Land na Mérida un denn wedder per Schipp na Havanna. Eerst 1784 kunnen de Briten wedder trügg na dat Rebeed von Belize.

In’n nächsten Engelsch-Spaanschen Krieg (1796–1808) hett dat von 3. bet 10. September 1798 de Slacht von St. George’s Caye geven, in de de Briten de Spaniers trüggslahn kunnen. Dat Datum von düsse Slacht is vondaag en Fierdag in Belize.

1931 is dat Eiland von’n Belize-Hurrikan 1931 swoor drapen worrn (24 Dode)[1] un 1961 von Hurrikan Hattie.

Eerst 2010 hett dat Eiland den Status as en Gemeen kregen.

Weertschop un Infrastruktur[ännern | Bornkood ännern]

De Oort is vondaag kumplett dör’n Tourismus präägt.

De brietsche Armee bedrifft op dat Eiland ok en egen Ferienanlaag för Soldaten (British Army Adventure Training Camp).

Verkehr[ännern | Bornkood ännern]

Na dat Eiland is blots von Belize-Stadt ut per Boot hentokamen. Autoverkehr gifft dat op St. George’s Caye nich.

Footnoten[ännern | Bornkood ännern]

  1. Thousand Killed In Caribbean Hurricanes South Australian Register an’n 14. September 1931, Sied 9

Weblenken[ännern | Bornkood ännern]

Commons-logo.svg St. George’s Caye. Mehr Biller, Videos oder Audiodateien to’t Thema gifft dat bi Wikimedia Commons.