Orange Walk (Stadt)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | 13.674
(2018) | |
| Hööchd: | 33 m över de See | |
| Geograafsche Laag: | Koordinaten:18° 5′ N, 88° 34′ W18° 5′ N, 88° 34′ W | |
|
| ||
Orange Walk is en Lüttstadt (Town) in’n Distrikt Orange Walk von dat Land Belize un ok de Hööftstadt von’n Distrikt.
De Öörd Trial Farm un San Jose Palmar sünd egenstännige Gemenen, aver vondaag mit Orange Walk tohoopwussen.
Geografie
[ännern | Bornkood ännern]De Stadt liggt op dat Westöver von’n New River.
De Naveröörd sünd Trial Farm in’n Noorden, San Estevan in’n Noordoosten, Honey Camp un Carmelita in’n Süüdoosten, Tower Hill un Chan Pine Ridge in’n Süden, San Lazaro in’n Süüdwesten un Yo Creek in’n Westen.
Historie
[ännern | Bornkood ännern]De eersten Bewahners von dat Rebeed weren de Maya. Maya-Ruinen in de Ümgegend von Orange Walk sünd Cuello un Lamanai. An de Steed von de hüdige Stadt Orange Walk hett dat en lütt Maya-Dörp geven, dat Holpatin heten hett.
De eersten Europäers in dat Rebeed weren Holtfällers, de den New River hoogföhrt sünd, üm Campechebööm to slahn.
In’n Kastenkrieg sünd en ganze Reeg Flüchtlinge ut Mexiko in dat Rebeed von Orange Walk kamen. An’n 1. September 1872 keem dat denn to de Slacht von Orange Walk, bi de en Grupp Maya de Stadt överfullen hett. De Briten kunnen de Angrepers trüggslahn.
Inwahnertall
[ännern | Bornkood ännern]| Johr | Inwahners |
|---|---|
| 1970[1] | 5698 |
| 1980[1] | 8439 |
| 1991[1] | 11014 |
| 2000[1] | 13483 |
| 2010[2] | 13707 |
| 2018[3] | 13674 |
De Inwahners weren bi’n Zensus 2000 to 79 % Mestizen un to 13 % Kreolen. De Rest hett sik op de verscheden annern Volksgruppen von Belize opdeelt.[2]
Börgermeesters
[ännern | Bornkood ännern]| Tied | Börgermeester | Partei |
|---|---|---|
| üm 1964 | Ignacio Vega | |
| 1985–1988 | Alfredo Martinez | UDP |
| 1989–1991 | Ramon Cervantes | PUP |
| 1991–1992 | Alfredo Martinez | UDP |
| 2003–2006 | Henry Castillo | PUP |
| 2006–2009 | Ravei Gonzalez | UDP |
| 2009–2012 | Phillip de la Fuente | UDP |
| 2012– | Kevin Bernard | PUP |
Weertschop un Infrastruktur
[ännern | Bornkood ännern]De Belize Defence Forces bedrievt en Kasern in Orange Walk.
För de Gesundheitsversorgung is dat Northern Regional Hospital dor.
För de Weertschop wichtig is de Zuckerindustrie, de vör allen dör de Fabrik von Belize Sugar Industries in Tower Hill präsent is.
Verkehr
[ännern | Bornkood ännern]De Oort liggt an’n Philip Goldson Highway, de in’n Noordoosten över San Jose na Corozal un an de Grenz to Mexiko föhrt un in’n Süüdoosten över Carmelita na Belize-Stadt. In’n Noordoosten föhrt en Straat över San Estevan na El Progresso un in’n Westen en Straat na Yo Creek un San Antonio.
De Philip Goldson Highway güng fröher merrn dör de Stadt, aver vondaag besteiht en Ümtostraat, de in’n Oosten üm’n Oort rümföhrt.
De Orange Walk Airport liggt in’n Süden von de Stadt.
Scholen
[ännern | Bornkood ännern]De Oort hett verscheden Grundscholen, ünner annern de La Inmaculada R.C. Primary School, de San Francisco Primary School un de Chapel’s Primary School. Tosätzlich gifft dat de Muffles College High School un de Technical High School.
Footnoten
[ännern | Bornkood ännern]Weblenken
[ännern | Bornkood ännern]
Orange Walk (Stadt). Mehr Biller, Videos oder Audiodateien to’t Thema gifft dat bi Wikimedia Commons.
August Pine Ridge | Blue Creek | Carmelita | Chan Pine Ridge | Cuatro Leguas | Douglas | Guinea Grass | Indian Church | Indian Creek | Orange Walk | San Antonio | San Carlos | San Estevan | San Felipe | San Jose | San Jose Palmar | San Juan | San Lazaro | San Lorenzo | San Luis | San Pablo | San Roman | Santa Cruz | Santa Martha | Shipyard | Tower Hill | Tres Leguas | Trial Farm | Trinidad | Yo Creek