Alfredo Martinez (Diplomaat)

Vun Wikipedia
Zur Navigation springen Zur Suche springen

Alfredo „Fred“ Martinez (* 9. September 1953; † 9. Juli 2014 in Guatemala-Stadt) weer en Diplomaat un Politiker ut Belize (UDP).

Martinez is 1953 as Söhn von Eduardo Martinez boren.

Martinez weer von 1990 bet 1993 Vörsitter (Chairman) von de United Democratic Party (UDP).[1]

Ünner Premierminister Manuel Esquivel is Martinez 1984 bet 1989 för de UDP-Regeren Maat von’n Senaat von Belize ween.

1985 bet 1988 un 1991 bet 1992 weer he Börgermeester von Orange Walk.[1]

Von 1993 bet 1997 weer Martinez Baadschopper von Belize för Mexiko in Mexiko-Stadt.[1] Tiedwies hett he ok de Baadschopperposten för Venezuela (1994–1997) un Kuba (1996–1997) un dat Amt as High Commissioner in Jamaika (1996–1997) mit övernahmen.[1]

Martinez hett 1997 sien Amt as Baadschopper opgeven un is von Premierminister Manuel Esquivel wedder in’n Senaat von Belize beropen worrn. Gliektiedig hett he den Posten as Minister för Hannel un Industrie övernahmen. Bi de Parlamentswahl 1998 weer Martinez Kannedaat för de UDP in’n Wahlkreis Orange Walk Noord. He kunn sik mit 42,74 % von de Stimmen nich gegen Servulo Baeza von de PUP dörsetten. Esquivel un siene UDP müssen na düsse Wahl de Macht afgeven un dormit ok Martinez sien Ministeramt.

Von 2003 bet to sien Dood 2014 weer Martinez Baadschopper för Guatemala in Guatemala-Stadt, de ok för de zentraalamerikaanschen Länner Honduras, Costa Rica, Nicaragua un Panama mit tostännig weer.[1] As Baadschopper in Guatemala weer he en wichtigen Ünnerhändler in’n Grenzkunflikt twüschen Belize un Guatemala.

Martinez is an’n 9. Juli 2014 na korte swore Krankheit in Guatemala-Stadt doodbleven.[1] Truurfier un Staatsgräffnis för em weren an’n 12. Juli 2014 in de La Immaculada Church in Orange Walk.[1]

Martinez weer verheiraadt mit Annalisa Agnelli Martinez.[1] De beiden harrn dree Söhns.[1]

Ehren[ännern | Bornkood ännern]

Von Mexiko is he mit’n Orden von’n Aztekschen Aadler uttekent worrn.[1]

Footnoten[ännern | Bornkood ännern]

  1. a b c d e f g h i j Ambassador Alfredo Martinez passes, Amandala an’n 11. Juli 2014