Premierminister (Belize)

De Premierminister von Belize is de Baas von de Regeren von Belize.

De Premierminister hett sien Seet in dat Sir Edney Cain Building in Belmopan. Sien Titel is The Right Honourable.

Rechten un Plichten

Offiziell insett warrt de Premierminister von’n Generaalguvernör von Belize, wat de Vertreder von de Monarchie von Belize (in Personalunion mit de Monarchie von dat Vereenigte Königriek) is. De Generaalguvernör schall den Föhrer von de Partei as Premierminister insetten, de de Mehrheit von de Afornten von dat Repräsentantenhuus achter sik hett. De Premierminister mutt dormit sülvs ok as Afornten in dat Repräsentantenhuus wählt ween.

De Premierminister dröff na de Verfaten von Belize maximaal dree Legislaturperioden lang in’t Amt blieven.

De Premierminister hett en Viez-Premierminister (Deputy Prime Minister) an’e Sied, de siene Opgaven övernimmt, wenn de Premierminister in’t Butenland is oder anners sien Opgaven nich wohrnehmen kann.

De Premierminister hett dat Recht, en Reeg von Maten von Repräsentantenhuus oder Senaat as Ministers to beropen, de mit em dat Kabinett von Belize billt. Ok de Staatsministers warrt von em insett.

De Rull von’n Premierminister is in de Verfaten von Belize in Afsnidd 37 fastleggt un de von’n Viez-Premierminister in Afsnidd 38.

Historie

Bevör Belize 1981 unafhängig worrn is, weer dat Rebeed as Brietsch-Honduras en Kolonie von Grootbritannien. De Kolonie harr von 1961 bet 1964 en Eersten Minister un denn von 1964 bet 1981 en Premier. Eerst mit de Unafhängigkeit 1981 is de Baas von de Regeren denn Premierminister nöömt worrn.

Amtsinhebbers

Bild	Naam	Wahl	von	bet	Partei
Eersten Minister von Brietsch-Honduras (1961–1964)
	George Cadle Price (1919–2011)	1961	7. April 1961	1. Januar 1964	PUP
Premier von Brietsch-Honduras (1964–1973)
	George Cadle Price (1919–2011)	1965 1969	1. Januar 1964	1. Juni 1973	PUP
Premier von Belize (1973–1981)
	George Cadle Price (1919–2011)	1974 1979	1. Juni 1973	12. September 1981	PUP
Premierminister von Belize (1981–vondaag)
	George Cadle Price (1919–2011)	–	12. September 1981	17. Dezember 1984	PUP
	Manuel Esquivel (1940–2022)	1984	17. Dezember 1984	7. September 1989	UDP
	George Cadle Price (1919–2011)	1989	7. September 1989	13. Juli 1993	PUP
	Manuel Esquivel (1940–2022)	1993	13. Juli 1993	28. August 1998	UDP
	Said Musa (1944–)	1998 2003	28. August 1998	8. Februar 2008	PUP
	Dean Barrow (1951–)	2008 2012 2015	8. Februar 2008	13. November 2020	UDP
	Johnny Briceño (1960–)	2020	13. November 2020		PUP

Viez-Premierministers

Bild	Naam	von	bet	Partei
Viez-Premier von Brietsch-Honduras/Belize (bet 1981)
	C. L. B. Rogers	1963	1981	PUP
Viez-Premierminister von Belize (1981–vondaag)
	C. L. B. Rogers	1981	1984	PUP
	Curl Thompson	1984	1989	UDP
	Florencio Marin Sr.	1989	1993	PUP
	Dean Barrow	1993	1998	UDP
	John Briceno	1998	5. Juni 2007	PUP
	Juan Vildo Marin	5. Juni 2007	12. Februar 2008	PUP
	Gaspar Vega	12. Februar 2008	17. Oktober 2016	UDP
	Patrick Faber	17. Oktober 2016	10. Februar 2020	UDP
	Hugo Patt	11. Februar 2020	16. November 2020	UDP
	Cordel Hyde	16. November 2020		PUP

Weblenken

De Premierminister op belize.gov.bz (engelsch)

Kabinett von Belize

Premierminister | Generaalstaatsanwalt