United Democratic Party (Belize)

Vun Wikipedia
Zur Navigation springen Zur Suche springen
Parteiflagg von de UDP

De United Democratic Party (UDP) is en polietsche Partei in Belize. Siet 2008 stellt se mit Dean Barrow den Premierminister von Belize.

Programm[ännern | Bornkood ännern]

De Partei is kunservativ un steiht licht rechts von de Midd.

Historie[ännern | Bornkood ännern]

Von 1954 bet 1969 harr de People’s United Party (PUP) all fiev Wahlen wunnen, de dat in düsse Tied in de brietsche Kolonie Brietsch-Honduras geven harr. De Oppositschoon weer op verscheden Partein opdeelt. Dorüm hebbt sik an’n 27. September 1973 de dree Oppositschoonspartein National Independence Party (NIP), Liberal Party un People’s Development Movement (PDM) tohoopdaan, üm de Kräft gegen de PUP to verenigen. De United Black Association for Development (UBAD) is unafhängig bleven, aver liekers sünd 1973 en Reeg UBAD-Maten to de UDP överlopen un de UBAD hett sik denn 1974 oplööst.

Bi de Parlamentswahl in Belize 1974 is de Partei dat eerste Maal antreden (op en gemeensame List mit de Corozal United Front, de aver keen Seet wunnen hett un na de Wahl ingahn is) un kunn söss von 18 Seten winnen.

Bi de Wahl 1984 kunn de Partei dat eerste Maal de Mehrheit in dat Parlament winnen un mit Manuel Esquivel den Premierminister stellen. Esquivel hett de Mehrheit bi de Wahl 1989 wedder verloren, kunn se aver Wahl 1993 för en twete Amtstied trüggwinnen. Bi de Wahl 1993 hett de UDP en Bündnis mit de National Alliance for Belizean Rights (NABR) billt.

Bi de Wahl 1998 hett sik Said Musa von de PUP gegen Esquivel dörsett. De Nedderlaag weer so düüdlich (de UDP harr blots noch 3 von 29 Seten in’t Repräsentantenhuus), dat Esquivel ok dat Amt as Parteibaas an Dean Barrow verloren hett. Eerst bi de Wahl 2008 hett denn Dean Barrow wedder de UDP an de Macht bröcht. Barrow is in de Parlamentswahlen 2012 un 2015 wedderwählt worrn. Bi de Wahl in’n November 2020 kann he nich wedder antreden, denn he hett siene maximale Amtstied von dree Wahlperioden reckt.

Dat Parteibladd The Guardian gifft dat siet 1998.

Parteibaas[ännern | Bornkood ännern]

Wahlen[ännern | Bornkood ännern]

Repräsentantenhuus[ännern | Bornkood ännern]

Wahl Parteibaas Stimmen % Seten +/– Regeren
1974 Dean Lindo 9.069 38,93%
6/18
+6 Oppositschoon
1979 21.045 47,4%
5/18
-1 Oppositschoon
1984 Manuel Esquivel 25.756 54,1%
21/28
+16 Regeren
1989 28.900 49,0%
13/28
-8 Oppositschoon
1993 34.306 48,7%

Bündnis mit NABR

16/29
+3 Regeren
1998 33.237 39,41%
3/29
-12 Oppositschoon
2003 Dean Barrow 45.376 45,57%
7/29
+4 Oppositschoon
2008 66.203 56,61%
25/31
+17 Regeren
2012 64.976 50,37%
17/31
-8 Regeren
2015 71.452 50,52%
19/31
+2 Regeren

Flagg[ännern | Bornkood ännern]

De Parteiflagg hett dree Striepen, baven rood, denn witt un blau. Op’n witten Striepen sünd söss swarte Punkte. De Punkte staht för de söss Mandaten, de de Partei 1974 in ehre eerste Wahl wunnen hett.[1]

Footnoten[ännern | Bornkood ännern]

  1. Dean Russell Lindo, S.C., first UDP leader, dead at 86, Amandala an’n 19. September 2018

Weblenken[ännern | Bornkood ännern]