Parlamentswahl in Belize 2020

Vun Wikipedia
Zur Navigation springen Zur Suche springen

Bi de Parlamentswahl in Belize 2020 schall an’n 11. November 2020 in 31 Wahlkreise dat ne’e Repräsentantenhuus von Belize wählt warrn. De vörige Wahl weer 2015.

Achtergrund[ännern | Bornkood ännern]

De vörige Wahl weer an’n 4. November 2015 un de Natschonaalversammlung is an’n 13. November 2015 toeerst tohoopkamen. De Verfaten von Belize leggt fast, dat de Natschonaalversammlung nich later as fiev Johr na dat eerste Tohoopkamen oplööst warrn mutt. De Neewahlen mööt denn binnen dree Maand afhollen warrn. Dormit weer vörgeven, dat de Wahl nich later ween kann as an’n 13. Februar 2021. De Frist von dree Maand sünd en Maximaaltied, de normalerwies nich utschöppt warrt. Dorüm sünd de Wahlen för November 2020 ansett.

Nadem dör de COVID-19-Pandemie lang nich kloor weer, wannehr de Wahlen ween schöölt, hett Dean Barrow an’n 5. Oktober 2020 bekannt maakt, dat de Termin för de Wahl de 11. November 2020 ween schall.[1]

Premierminister Dean Barrow kann nich wedder bi de Wahl antreden, denn he hett siene maximale Amtstied von dree Wahlperioden reckt.

UDP-Kannedaat[ännern | Bornkood ännern]

Dean Barrow dröff nich wedder as Premierminister antreden. De Kannedaten för sien Nafolg mit de besten Utsichten weren Patrick Faber un John Saldivar. De Parteidag üm de Nafolg to regeln, weer för de Midd von dat Johr 2019 plaant, aver in’n Januar 2019 is bekannt maakt worrn, dat de Parteidag op’n 9. Februar 2020 verschaven warrn schull. Bi’n Parteidag an’n 9. Februar hett sik denn Saldivar dörsett. Aver al dree Daag later hett he düt Amt wedder dalleggt, nadem rutkamen weer, dat Saldivar in de USA Lev Dermen drapen un woll 50.000 Dollar von em annahmen harr. Dermen weer to de Tied in Salt Like City as Bedreger anklaagt un is later ok veroordeelt worrn.

En ne’en Parteidag is denn för’n 5. April 2020 ansett worrn, kunn aver dör de COVID-19-Pandemie nich afhollen warrn. Stand Juni 2020 is Barrow jümmer noch Parteibaas un dat gifft keen designeerten Kannedaten för de Ämter as Parteibaas un Premierminister.

PUP-Kannedaat[ännern | Bornkood ännern]

Designeerten PUP-Kannedaat för dat Amt as Premierminister is Johnny Briceño, de siet 2015 Parteibaas von de PUP is.

  1. General Elections to be held on November 11th 2020, Breaking Belize News an’n 5. Oktober 2020