Anthony Martinez (Politiker)

Vun Wikipedia
Anthony Martinez 2017

Anthony John „Boots“ Martinez (* 15. Juli 1963) is en Politiker ut Belize (UDP).

Martinez is 1963 boren un in Belize-Stadt opwussen.[1]

Bi de Parlamentswahl in Belize 1998 weer he Kannedaat för de UDP in’n Wahlkreis Port Loyola un hett de Wahl mit 39,31 % von de Stimmen gegen Dolores Balderamos-García von de PUP verloren.

1996 un 1999 weer he bi de Wahl to’n Stadtraad von Belize-Stadt UDP-Kannedaat, kunn sik aver nich dörsetten.[2]

Bi de Wahl 2003 dorgegen harr he mit 59,44 % von de Stimmen de Bavenhand gegen Balderamos-García. Ok bi de Wahlen 2008 (74,05 % gegen Oscar Rosado, PUP, un Erwin Muhammed Jones, VIP), 2012 (63,22 % gegen Gilroy Usher, PUP) un 2015 (48,64 % gegen Gilroy Usher, PUP, un Nedal Jihaad Murphy McLaren, BPP) hett he wedder wunnen.

Dormit is he siet 5. März 2003 Afornten von dat Repräsentantenhuus von Belize. In düsse Tied hett he von 2003 bet 2008 mit de UDP in de Oppositschoon seten. Na de Wahl 2008 is he in’n Februar 2008 ünner Premierminister Dean Barrow Minister för Apentliche Arbeiden in dat Kabinett Barrow I worrn.

In dat Kabinett Barrow II un III is he siet 12. März 2012 Minister för Minschliche Entwicklung, Sozialen Wannel un Armoodsutgliek.

Footnoten[ännern | Bornkood ännern]

  1. Jules Vasquez: 50 Years Later, Hon. Boots Finds The Woman Who Saved Him From Perishing In Fire, 7 News Belize an’n 26. Juli 2018
  2. Myrtle Palacio: Belize City Council Election Results 1962 to 2003