Gilroy Usher
Gilroy Dinsdale Usher Sr. (* 1956 oder 1957 in Bermudian Landing) is en Politiker ut Belize (PUP).
Usher is in Bermudian Landing boren un hett dat St. John’s College in Belize-Stadt besöcht.[1] Na de School weer he op dat Belize Teacher’s College un hett 25 Johr lang as Schoolmeester arbeidt.[1] He bedrifft en Pandhuus (Monica’s Pawn Shop) in Belize-Stadt. Blangenbi studeert he Business an de University of Belize, üm en Bachelor-Afsluss to maken (Stand 2020).[1]
Bi de Parlamentswahl in Belize 2012 weer he Kannedaat för de PUP in’n Wahlkreis Port Loyola. He hett 34,98 % von de Stimmen kregen un kunn sik dormit nich gegen Anthony Martinez von de UDP dörsetten. Bi de Wahl 2015 weer he PUP-Kannedaat in’n sülven Wahlkreis. He hett 46,04 % von de Stimmen kregen un kunn sik wedder nich gegen Anthony Martinez von de UDP dörsetten.
Bi de Wahl 2020 weer he nochmaal PUP-Kannedaat in’n Wahlkreis Port Loyola. He hett 57,71 % von de Stimmen kregen un kunn düt Maal gegen Philip Willoughby von de UDP un Evan Thompson von de BPP winnen. Dormit is he siet November 2020 Maat von dat Repräsentantenhuus von Belize. An’n 16. November 2020 is he ok as Staatsminister in dat Ministerium för Minschliche Entwicklung, Familien un Indigene ünner de Ministerin Dolores Balderamos-García insworen worrn (Kabinett Briceño I).
Footnoten
[ännern | Bornkood ännern]- ↑ a b c Gilroy Usher - Lion of Port Loyola, Breaking Belize News an’n 22. September 2020
