Stann Creek (Distrikt)

Vun Wikipedia
HondurasGuatemalaMexikoCorozal (Distrikt)Orange Walk (Distrikt)Belize (Distrikt)Stann Creek (Distrikt)Cayo (Distrikt)Toledo (Distrikt)
Koort von’n Distrikt Stann Creek
Koort von 1910 mit de olen Distrikt-Grenzen

De Distrikt Stann Creek (engelsch Stann Creek District) is een von de söss Distrikte von Belize. De Hööftoord is Dangriga. De Distrikt hett en Grött von 2554 km² un hett 33.300 Inwahners (Stand 2008).

Geografie[ännern | Bornkood ännern]

Stann Creek liggt in’n Oosten von Belize un grenzt in’n Noorden an den Distrikt Belize, in’n Süden an Toledo un in’n Westen an Cayo. In’n Oosten liggt de Karibische See.

De Öörd verdeelt sik vör allen in dat Deepland langs de Küst un langs von Hummingbird Highway (Stann Creek Valley) un Southern Highway. Dat Binnenland mit de Maya-Bargen is unbewahnt.

Grenzen[ännern | Bornkood ännern]

De Grenz (to’n Distrikt Belize) fangt in’n Noorden an de Münn von’n Mangrove Creek in’n Golf von Honduras an un löppt denn den Loop von’n Mangrove Creek en beten mehr as twee Kilometer hoog. Dor wennt de Grenz sik en Stück na Süüdwesten un löppt noch wedder üm un bi twee Kilometer an en Siedenarm von’n Mullins River langs. De Grenz knickt hier af un löppt üm un bi 25 Kilometer stuur na Westen bet na’n Indian Creek (Grenz na’n Distrikt Cayo) un von dor wieder na’n Dry Creek. De Grenz löppt nu an’n Loop von’n Dry Creek langs. Twüschen Santa Martha un Hummingbird Community verlett de Grenz den Loop von’n Dry Creek wedder un löppt an de Waterscheed twüschen de Afströömrebeden von North Stann Creek, Sittee River un Monkey River op de Oostsied un Sibun River un Belize River op de Westsied langs.

Merrn in’n Oorwoold 20 Kilometer in’n Noordwesten von Roseville drippt de Grenz op’n Distrikt Toledo. De Grenz is dor för de eersten poor Kilometers de Waterscheed twüschen Trio Branch un Swasey Branch un denn de Waterscheed twüschen Double Fall Creek un Mare’s Nest Branch (de all beid in’n Swasey Branch fleten doot). Söven Kilometer in’n Noordwesten von Roseville flütt de Double Fall Creek in’n Swasey Branch. Von dor af an is de Swasey Branch de Grenz. Dat blifft so bet San Isidro un Bella Vista. Dor geiht de Grenz för en kort Stück na Oosten bet se op’n Big Creek drippt. De Big Creek is denn bet an sien Münn in de Karibische See de Grenz twüschen de Distrikte Toledo un Stann Creek.

Inwahnertall[ännern | Bornkood ännern]

Johr Inwahners
Zensus 1921[1] 4.830
Zensus 1946[1] 6.373
Zensus 1960[1] 10.906
Zensus 1970[1] 13.023
Zensus 1980[1] 14.181
Zensus 1991[1] 18.085
Zensus 2000[1] 25.438
Zensus 2010[1] 34.324

De Inwahners weren bi’n Zensus 2000 to 31 % Garifuna, to 30 % Mestizen, 21 % Kreolen, to 12 % Maya un to 3 % Inders. De Rest hett sik op de verscheden annern Volksgruppen von Belize opdeelt.[1]

Ünnerafdelen[ännern | Bornkood ännern]

Gemenen[ännern | Bornkood ännern]

De Gemenen binnen Stann Creek sünd:

Dat Dörp All Pines givt dat nich meer, de Inwohner hebbt dat Dörp in den 1960er Jaren upgeven.

Wahlen[ännern | Bornkood ännern]

Binnen den Distrikt gifft dat twee Wahlkreise: Dangriga un Stann Creek West.

Weertschop un Infrastruktur[ännern | Bornkood ännern]

En wichtigen Weertschopsfaktor för’n Distrikt sünd de Bananenplantaaschen (Banana Growers Association), de ganz in’n Süden von’n Distrikt Stann Creek to finnen sünd.

Footnoten[ännern | Bornkood ännern]

  1. a b c d e f g h i Zensus 2010 (PDF) von dat Statistical Institute of Belize

Weblenken[ännern | Bornkood ännern]

Stann Creek. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:16° 50′ N, 88° 30′ W