Toledo (Distrikt)
De Distrikt Toledo (engelsch Toledo District) is een von de söss Distrikte von Belize. De Hööftoord is Punta Gorda. De Distrikt hett en Grött von 4413 km² un hett 30.785 Inwahners (Stand 2010).
Geografie[ännern | Bornkood ännern]
Toledo liggt in’n Süden von Belize un grenzt in’n Noordwesten an den Distrikt Cayo un in’n Noordoosten an Stann Creek. In’n Westen liggt an Guatemala un in’n Oosten de Karibische See.
Grenzen[ännern | Bornkood ännern]
De Grenz fangt in’n Süden an de Münn von’n Sarstoon River in’n Golf von Honduras an un löppt denn in’n Süden üm Sarstoon Island rüm jümmer den Loop von’n Sarstoon langs bet na de Gracias-a-Dios-Waterfäll. Op dat annere Över liggt Guatemala. Bi de Gracias-a-Dios-Waterfäll knickt de Grenz na Noorden af. De Grenz twüschen Guatemala un Belize is denn defineert dör de Gracias-a-Dios-Waterfäll un de Garbutt’s-Waterfäll an’n Belize River bi Benque Viejo del Carmen. De Grenz von’n Distrikt Toledo is aver al vörher bi Champas Quemadas (Municipio Poptún) toenn. Düsse Afsnidd is üm un bi 56 Kilometer lang. Bi Champas Quemadas drippt Toledo op’n Distrikt Cayo. De Grenz twüschen de beiden Distrikte is de Waterscheed twüschen de Afströömrebeden von Moho River, Rio Grande un Monkey River op de Süüdoostsied un Río Machaquilá un Belize River op de Noordwestsied.
Merrn in’n Oorwoold 20 Kilometer in’n Noordwesten von Roseville drippt de Grenz op’n Distrikt Stann Creek. De Grenz is dor för de eersten poor Kilometers de Waterscheed twüschen Trio Branch un Swasey Branch un denn de Waterscheed twüschen Double Fall Creek un Mare’s Nest Branch (de all beid in’n Swasey Branch fleten doot). Söven Kilometer in’n Noordwesten von Roseville flütt de Double Fall Creek in’n Swasey Branch. Von dor af an is de Swasey Branch de Grenz. Dat blifft so bet San Isidro un Bella Vista. Dor geiht de Grenz för en kort Stück na Oosten bet se op’n Big Creek drippt. De Big Creek is denn bet an sien Münn in de Karibische See de Grenz twüschen de Distrikte Toledo un Stann Creek.
Historie[ännern | Bornkood ännern]
De Naam von’n Distrikt geiht trügg op Don Felipe Toledo, wat een von de Partners von dat Ünnernehmen Young, Toledo & Company weer, dat in de Midd von dat 19. Johrhunnert de eersten Plantaaschen in’n Süden von Belize anleggt hett.
Inwahnertall[ännern | Bornkood ännern]
| Johr | Inwahners |
|---|---|
| Zensus 1921[1] | 5.242 |
| Zensus 1946[1] | 6.403 |
| Zensus 1960[1] | 7.715 |
| Zensus 1970[1] | 8.989 |
| Zensus 1980[1] | 11.762 |
| Zensus 1991[1] | 17.439 |
| Zensus 2000[1] | 24.142 |
| Zensus 2010[1] | 30.785 |
De Inwahners weren bi’n Zensus 2000 to 65 % Maya, to 15 % Mestizen, to 7 % Garifuna, to 6 % Inders un to 5 % Kreolen. De Rest hett sik op de verscheden annern Volksgruppen von Belize opdeelt.[1]
Ünnerafdelen[ännern | Bornkood ännern]
Gemenen[ännern | Bornkood ännern]
De Gemenen binnen Toledo sünd:
Wahlen[ännern | Bornkood ännern]
Binnen den Distrikt gifft dat twee Wahlkreise: Toledo Oost un Toledo West.
Weertschop un Infrastruktur[ännern | Bornkood ännern]
En wichtigen Weertschopsfaktor för’n Distrikt sünd de Bananenplantaaschen (Banana Growers Association), de ganz in’n Noorden von’n Distrikt Toledo to finnen sünd.
Footnoten[ännern | Bornkood ännern]
Weblenken[ännern | Bornkood ännern]
Koordinaten:16° 20′ N, 88° 45′ W