Río Machaquilá

Vun Wikipedia
Zur Navigation springen Zur Suche springen

De Río Machaquilá is en Stroom in Belize un Guatemala, de mit’n Río Cancuén to’n Río La Pasión tohoopflütt.

Verloop[ännern | Bornkood ännern]

De Stroom hett sien Born in’n Distrikt Cayo von Belize in’n Oorwoold von de Maya-Bargen. Von dor flütt he na Süüdwesten un löppt al na en poor Kilometer över de Grenz na Guatemala in dat Departamento Petén un billt dor för de eersten Kilometers de Grenz twüschen de Municipios Dolores un Poptún. De Stroom dreiht na Westen un löppt denn dör dat Municipio Poptún un an’n Oort Machaquilá vörbi. Achter Machaquilá billt de Stroom de Grenz twüschen de Municipios Poptún un El Chal. Dorbi dreiht he na Süüdwesten un löppt denn in dat Municipio Sayaxché. He flütt dor mit’n Río Cancuén tohoop un de Stroom warrt denn Río La Pasión nöömt.


Koordinaten:16° 13′ N, 90° 2′ W