Municipio El Chal

Dat Municipio El Chal is en Municipio in dat Departamento Petén, Guatemala.

Hööftoort von dat Municipio is de Oort El Chal, bi den ok de Maya-Ruinen von El Chal liggen doot. Blangen den Hööftoort höört dor aver ok noch en ganze Reeg lüttjere Öörd mit to.

Geografie

De Municipios ümto sünd Santa Ana in’n Noorden, Dolores in’n Oosten, Poptún in’n Süden (hier billt de Río Machaquilá de Grenz), Sayaxché in’n Süüdwesten un San Francisco in’n Noordwesten.

Dat Water ut dat Rebeed flütt över’n Río San Juan na’n Río de La Pasión hen af.

Historie

Dat Municipio is dat jüngste in dat Departamento Petén un is eerst an’n 4. Februar 2014 ut’n Westdeel von dat Municipio Dolores billt worrn.

Weertschop un Infrastruktur

Wichtigste Verkehrsass is de CA-13, de in’n Noordwesten na Flores föhrt un in’n Süüdoosten na Dolores un Poptún.

Municipios in dat Departamento Petén (Guatemala)