Río San Juan (Guatemala)
| Río San Juan | |
|---|---|
| Laag | Departamento Petén, Guatemala |
| Stroomsystem | Río Usumacinta |
| Born | bi Sabaneta |
| Münn | bi La Reinita in’n Río de La Pasión |
| rechte Blangenströöm | Río Poxté |
De Río San Juan is en üm un bi 100 Kilometer langen Stroom in dat Departamento Petén, Guatemala, de in’n Río de La Pasión münnt.
De Stroom hett sien Born in’n Westen von de Maya-Bargen in dat Municipio Dolores dicht bi Sabaneta un an de CA-13 un flütt von dor na Süüdwesten. Na korte Tied al verlett he dat Municipio Dolores un kummt op dat Rebeed von dat Municipio El Chal. In Santa Amelia nimmt he von rechts den Río Poxté op un flütt denn in dat Rebeed von dat Municipio Sayaxché. Bi La Reinita swenkt de Río San Juan na Noordwesten un münnt denn in’n Río de La Pasión, de an de Grenz na Mexiko mit’n Río Salinas to’n Río Usumacinta tohoopflütt. Düsse Stroom wedder verbinnt sik later mit’n Río Grijalva un de beiden Strööm münnt tohoop in’n Golf von Mexiko.
De Stroom flütt dör en Rebeed, dat fröher maal Oorwoold weer, vondaag aver meist kumplett in Weiden för dat Veh ümwannelt worrn is.
Koordinaten:16° 22′ N, 90° 2′ W