Maya-Bargen

Vun Wikipedia
Maya-Bargen
Landschop von de Bargen mit Victoria Peak in’n Achtergrund
Landschop von de Bargen mit Victoria Peak in’n Achtergrund
Landschop von de Bargen mit Victoria Peak in’n Achtergrund
höögst Topp: Doyle’s Delight
Hööchd: 1.124 m över de See
Land: Belize
Kuntinent: Amerika
Koordinaten:
Koordinaten:16° 42′ N, 88° 48′ W
16° 42′ N, 88° 48′ W
Maya-Bargen
Laag vun Maya-Bargen in Belize
Maya-Bargen in’n Distrikt Cayo

De Maya-Bargen (engelsch Maya Mountains, spaansch Montes Maya) sünd en Barggrupp in Belize un in’n Oosten von Guatemala (Departamento Petén). De höögsten Bargen sünd Doyle’s Delight mit 1.124 m över de See un de Victoria Peak mit 1.120 m över de See. De Naam von de Bargen kummt dor von, dat dat Rebeed von öllers to de Heimaat von de Maya tellt. Vondaag leevt dor Mayas ut de Gruppen von de Mopan un de Kekchí. Dat gifft in dat Rebeed ok en ganze Reeg von Maya-Ruinensteden, so as Lubaantun, Nim Li Punit, Cahal Pech, Xunantunich, Ixcún un Chaa Creek.

In’n Westen un Noordwesten grenzt de Bargen an dat Becken von Petén. In’n Noordoosten, Oosten un Süüdoosten slütt sik dat siede Küstenland von Belize langs den Golf von Honduras an.

De Bargen bestaht vör allen ut Oorwoold. Dörper gifft dat blots in de Randrebeden un in dat Pomona Valley langs’n North Stann Creek. De Oorwoold is dör verscheden Schuulrebeden schuult. Dorto höört: Actun Tunichil Muknal Natural Monument, Bladen Nature Reserve, Caracol Archeological Reserve, Chiquibul Forest Reserve, Chiquibul-Natschonaalpark, Cockscomb Basin Wildlife Sanctuary, Columbia River Forest Reserve, Five-Blues-Lake-Natschonaalpark, Manatee Forest Reserve, Mango Creek Forest Reserve, Maya Mountain Forest Reserve, Mountain Pine Ridge Forest Reserve, Nojkaaxmeen-Eligio-Panti-Natschonaalpark, Sibun Forest Reserve, Sittee river Forest Reserve, Tapir Mountain Nature Reserve, Thousand Foot Falls Natural Monument, Vaca Forest Reserve, Victoria Peak Natural Monument un in Guatemala de Reserva de la Biosfera Montañas Mayas Chiquibul.

De Actun Box Ch'iich', de deepste Höhl in Belize liggt ook in den Maya-Bargen.

Bargen[ännern | Bornkood ännern]

To de Bargkeden in de Maya-Bargen, de an’n dullsten opfallt, höört de Cockscomb Range, to de ok de Victoria Peak totellt.

Barg Höögd in m
Doyle’s Delight 1124
Victoria Peak 1120
Richardson Peak 960
Copetilla 931
Mount Mossy 911
Arthur’s Seat 880
Mount Margaret 840
The Molar 781
Cerro Miramar 557

Weblenken[ännern | Bornkood ännern]

Maya-Bargen. Mehr Biller, Videos oder Audiodateien to’t Thema gifft dat bi Wikimedia Commons.