Chiquibul-Natschonaalpark

Vun Wikipedia
Zur Navigation springen Zur Suche springen
Chiquibul-Natschonaalpark
Staat Belize
Laag
Koordinaten:16° 42′ N, 88° 54′ W
16° 42′ N, 88° 54′ W
Grött 1073 km²
Inricht 1991-00-001991
IUCN-Kategorie II – National Park

De Chiquibul-Natschonaalpark (engelsch Chiquibul National Park) is en 1073 km² groten Natschonaalpark in de Maya-Bargen. De Park liggt in’n Distrikt Cayo von dat Land Belize.

De Park is 1991 inricht worrn.

Geografie[ännern | Bornkood ännern]

De Grenz von’n Natschonaalpark fallt in’n Oosten un Süden mit de Waterscheed von dat Stroomsystem von’n Belize River tohoop. In’n Noordoosten grenzt de Park an dat Afströömrebeed von’n Sibun River, in’n Oosten von’n Sittee River, in’n Süüdoosten von’n Monkey River un in’n Süden von’n Rio Grande, von’n Moho River un op en lütt Enn noch von’n Usumacinta. In’n Westen is de Staatsgrenz na Guatemala ok de Grenz von’n Park. Von de Staatsgrenz stracks na Oosten geiht de Parkgrenz denn na’n Macal River. De Noordgrenz billt de Loop von’n Macal River bet na’n Born von’n Macal. Ut düt Rebeed sünd aver twee Rebeden utnahmen: de Caracol Archaeological Reserve un de Chiquibul Forest Reserve billt Schuulrebeden mit egen Schuulstatus.

Binnen Belize is de Natschonaalpark op all Sieden von annere Schuulrebeden ümgeven. Dat sünd de Vaca Forest Reserve un de Mountain Pine Ridge Forest Reserve in’n Noorden, Sibun Forest Reserve un Sittee River Forest Reserve in’n Noordoosten, dat Victoria Peak Natural Monument un dat Cockscomb Basin Wildlife Sanctuary in’n Oosten un de Bladen Nature Reserve un de Columbia River Forest Reserve in’n Süden. Dat Rebeed in’n Oosten in Guatemala is besiedelt, aver as Reserva de la Biosfera Montañas Mayas Chiquibul ok schuult.

De Höögd von dat Gelänn reckt von 1.124 m över de See an’n Doyle’s Delight bet en beten över 300 m över de See an’n Macal River.

De Ünnergrund von de Region besteiht ut Kalksteen. Ok dat Höhlensystem von Chiquibul liggt in’n Park.

Historie[ännern | Bornkood ännern]

Dat unbewahnte Binnenland von de Maya-Bargen is 1956 as Chiquibul Forest Reserve schuult worrn, wat bedüden dee, dat dor Holtafbo verlöövt weer. In de Johren 1980 hebbt sik aver Naturschützers dor för insett, dat sik de Status ännert, wat denn 1991 passeert is. En Veerdel von de Forest Reserve, in dat al aktive Holtfäll-Kunzessionen vergeven weren, is Forest Reserve bleven, wieldes de annern dree Veerdel to’n Natschonaalpark maakt worrn sünd.