Macal River

Vun Wikipedia
Zur Navigation springen Zur Suche springen
Macal River
Laag Belize
Läng 112 km
Born in de Maya-Bargen
Münn flütt mit’n Mopan River tohoop un billt den Belize River
Afströömrebeed 1.492 km²
linke Blangenströöm Raspaculo
rechte Blangenströöm Rio Frio, Rio On
Macal River bi San Ignacio
Chalillo-Staudamm (2010)

De Macal River is en üm un bi 112 Kilometer langen Stroom in’n Distrikt Cayo von Belize, de mit’n Mopan River tohoopflütt un dormit den Belize River billt.

Verloop[ännern | Bornkood ännern]

De Macal hett sien Born in de Mountain Pine Ridge Forest Reserve von de Maya-Bargen (an de Waterscheed to’n Sibun River). Von dor flütt he na Süüdwesten un billt de Grenz twüschen Mountain Pine Ridge Forest Reserve un Nojkaaxmeen-Eligio-Panti-Natschonaalpark op de rechte Sied un Chiquibul-Natschonaalpark, Chiquibul Forest Reserve un Vaca Forest Reserve op de linke Sied.

Twölv Kilometer in’n Süden von Augustine is de Stroom siet 2005 to’n Chalillo-Stausee staut. De Raspaculo münnt hier von links in’n Macal. De Stroom dreiht dor bilütten na Noordwesten. Wieder den Stroom daal is de Macal River ok noch to’n Mollejon-Stausee un to’n Vaca-Stausee staut.

Bi’n Vaca-Stausee münnt von rechts de Rio Frio un de Rio On in’n Macal River. De Stroom flütt nu ut’n Oorwoold rut un kummt in besiedelt Rebeed. He flütt an’n Oort Cristo Rey langs un twüschen San Ignacio un Santa Elena dör. De George Price Highway geiht hier mit en Brügg över’n Stroom. Güntsied von Santa Familia flütt de Stroom mit’n Mopan River tohoop un billt den Belize River. De Belize River münnt later bi Belize-Stadt in de Karibische See.

Weblenken[ännern | Bornkood ännern]

Commons-logo.svg Macal River. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:17° 11′ N, 89° 5′ W