Sibun River

Vun Wikipedia
Zur Navigation springen Zur Suche springen
Sibun River
Laag Belize
Läng 160 km
Born in de Maya-Bargen
Münn in de Karibische See (op 0 m över de See)
linke Blangenströöm Caves Branch, Hector Creek
rechte Blangenströöm Dry Creek
Münn in de Karibische See
Sibun an’n Hummingbird Highway

De Sibun River (deelwies ok Xibun River schreven) is en üm un bi 160 Kilometer langen Stroom in de Distrikte Cayo un Belize von’n Staat Belize, de in de Karibische See münnt.

De Stroom hett en Afströömrebeed von üm un bi 1275 km².

Historie[ännern | Bornkood ännern]

De Naam kummt von de Xibun-Maya, de fröher in dat Rebeed leevt hebbt.

In’n Grenzkunflikt twüschen Guatemala un Belize is de Stroom en wichtige Grenz. Dat ganze Staatsrebeed von Belize in’n Süden von’n Sibun reklameert Guatemala för sik.

De Film The Mosquito Coast von 1986 is deelwies an’n Sibun dreiht worrn.

Verloop[ännern | Bornkood ännern]

De Stroom hett sien Born in’n Oorwoold von de Maya-Bargen. Von dor flütt he na Noorden un drippt an’n Hummingbird Highway en Stück in’n Westen von Santa Martha dat eerste Maal op de Zivilisatschoon. De Highway geiht mit en Brügg över’n Stroom un de Sibun River flütt wieder na Noordoosten, wo von rechts de Dry Creek in’n Sibun münnt. Bi Frank’s Eddy münnt von links de Caves Branch in’n Sibun. Mit en poor Kilometer Afstand op dat linke Över parallel to’n Stroom verlöppt von dor de George Price Highway. De Manatee Highway geiht bi Mahogany Heights/La Democracia mit en Brügg över’n Sibun. Annere Öörd op dat linke Sied von’n Stroom sünd denn Jih Chan, Rockville, Hattieville, Tropical Park, Freetown Sibun un Western Paradise. Twüschen Freetown Sibun un Western Paradise münnt von links de Hector Creek in’n Sibun River. Kort vör de Münn in de Karibische See teihn Kilometer in’n Süüdwesten von Belize-Stadt krüüzt de Burdon Canal den Sibun.

Weblenken[ännern | Bornkood ännern]

Commons-logo.svg Sibun River. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:17° 26′ N, 88° 16′ W