Peccary Hills

Peccary Hills
höögst Topp:
Hööchd:	128 m över de See
Land:	Belize
Laag:	Distrikt Belize
Kuntinent:	Amerika
Rebeed:	100 km²
Koordinaten:	17° 20′ N, 88° 25′ W

De Peccary Hills sünd en groff 100 km² groot Rebeed von siede, karstige Kalksteen-Knülls in’n Distrikt Belize von dat Land Belize. Se doot in dat siede Küstenland von Belize liggen un sünd to’n gröttsten Deel lüttjer as 100 m över de See. Blots enkelte Knülls reckt en beten höger, de höögste üm un bi 128 m. Dat Rebeed an de Laguun is siet 2007 as Peccary-Hills-Natschonaalpark schuult. De Peccary Hills sünd na dat Pekari-Swien nöömt.

Geografie

Na Oosten to slütt sik de Northern Lagoon an de Peccary Hills an.

Dat Water ut dat Rebeed flütt in’n Westen un Noorden över Runaway Creek un Sibun River af, in’n Oosten över’n Currasow-Freshwater Creek un annere lüttjere Beken na de Northern Lagoon un in’n Süden över lüttjere Beken un den Cornhouse Creek na de Western/Southern Lagoon.

Geologie

De Knülls bestaht ut Kalksteen, de to de Campur-Formatschoon höört, sik also in de Böverkried in en siede See billt hett. Dor hett sik later dör Korrosion Toornkarst ut billt. De Rebeden twüschen de Inselbargen sünd deelwies dör Küstensedimenten opfüllt.

Von wegen dat de Knülls von Karst präägt sünd, gifft dat in dat Rebeed en ganze Reeg Höhlen, Dolinen un Waterlööp, de ünnereerdsch verloopt.