Toornkarst

Vun Wikipedia
Zur Navigation springen Zur Suche springen
Toornkarst an’n Li Jiang, Guilin, China
Toornkarst in de Bucht Vịnh Hạ Long, Vietnam

Toornkarst is en geoloogsche Gelännform, de dör Bargen opfallt, de steil affallt, deelwies meist vertikaal, de sik aver ut en Ebene rutheevt, de ans sied is. Düsse Bargen hebbt sik in Karstrebeden billt, in de Water von Strööm oder de See dör Korrosion Kalksteen oder annere waterlösliche Mineralien oplööst un sik deep in dat Gelänn ringraavt hett, so dat blots enkelte Bargen as Nadeln stahn blievt, wieldes dat Water in dat Daal twüschen de Nadeln dat Gelänn mit Sediment opfüllt un sik dorüm nich mehr deper in dat Gelänn graavt. Toornkarst kummt vör allen in de Tropen vör, to’n Bispeel in Süüdwest-China, Vietnam, Indonesien, Malaysia un Thailand, is aver ok in annere Klimaregionen nich utslaten. En eng verwandte Form is de Kegelkarst.