Hummingbird Highway

Vun Wikipedia
Zur Navigation springen Zur Suche springen
Highways in Belize. H is de Hummingbird Highway
De Hummingbird Highway

De Hummingbird Highway is een von de veer groten Highways in dat Land Belize. De Highway is 86,4 Kilometer lang un geiht dör de Utlöpers von de Maya-Bargen. Siet 1994 is de Straat dörgahns asphalteert.

Verloop[ännern | Bornkood ännern]

De Anfang is an’n George Price Highway twüschen Roaring Creek un Belmopan (43 m över de See). Von dor löppt de Highway na Süüdoosten över Armenia, Santa Martha, Middlesex, Alta Vista, Pomona, Hope Creek (dor verbunnen mit’n Manatee Highway) un Sarawee na Dangriga an de Küst von de Karibische See (3 m över de See). Kort vör Dangriga geiht von’n Hummingbird Highway na Süüdwesten de Southern Highway af.

De Fohrtied von Belmopan na Dangriga bedriggt üm un bi 45 Minuten.

Deelwies löppt de Straat langs de Trass von de fröhere Stann Creek Railway.

Historie[ännern | Bornkood ännern]

De eerste Afsnidd von de Straat is von 1938 bet 1940 dör dat Stann Creek Valley von Middlesex na Dangriga anleggt worrn un lööp op de Trass von de kort vörher instellte Stann Creek Railway langs.[1] Düsse Stann Creek Valley Road is denn bet 1954 dör de Maya-Bargen bet na Roaring Creek verlängert worrn.[1]

Brüggen[ännern | Bornkood ännern]

Brüggen gifft dat över den Caves Branch, den Sibun River un den Dangriga River (3×).

De Brügg över’n Sibun is 2004 nee boot worrn.

Footnoten[ännern | Bornkood ännern]

  1. a b The Stann Creek Railway (1892–1938)/Stann Creek Valley Road

Weblenken[ännern | Bornkood ännern]

Commons-logo.svg Hummingbird Highway. Mehr Biller, Videos oder Audiodateien to’t Thema gifft dat bi Wikimedia Commons.