Chiquibul Road

Vun Wikipedia
Zur Navigation springen Zur Suche springen

De Chiquibul Road is en 75 Kilometer lange Straat in’n Distrikt Cayo von dat Land Belize.

Verloop[ännern | Bornkood ännern]

De Anfang is an’n George Price Highway in’n Oort Georgeville. Von dor löppt de Straat na Süden in de Maya-Bargen rin un an de Öörd Cool Shade, Upper Barton Creek un Seven Miles/El Progresso langs. Na Seven Miles geiht na Westen en Straat na San Antonio af.

Bi de Forststatschoon von Mai Gate mööt Besökers von de Buschrebeden in’n Süden sik anmellen. De Straat geiht nu höger rop in de Maya-Bargen un löppt över’n Privassion Creek, över’n Rio On un över’n Rio Frio.

Denn föhrt de Straat dör Augustine un över’n Mollejon Creek, Vaqueros Creek, First Creek un dicht bi’n Chalillo-Staudamm över’n Macal River. Twee Kilometer in’n Süden von’n Macal River deelt de Straat sik op. Na Süüdwesten löppt de Caracol Road, de 17 Kilometer lang is un na de Maya-Ruinen von Caracol föhrt. De twete Telg, de Chiquibul Road sülvs, löppt na Süüdoosten un na de Forschungsstatschoon von Las Cuevas.

Dat Rebeed langs de Straat is dör Nojkaaxmeen-Eligio-Panti-Natschonaalpark, Mountain Pine Ridge Forest Reserve un Chiquibul Forest Reserve schuult.