Cool Shade

Vun Wikipedia

Cool Shade is en lütten Bueree-Oort in’n Distrikt Cayo in Belize.

Geografie[ännern | Bornkood ännern]

De Oort liggt an en Siedenarm von’n Barton Creek. Na Süden to doot de Maya-Bargen liggen.

De Naveröörd sünd Unitedville un Blackman Eddy in’n Noordoosten, Lower Barton Creek in’n Oosten, Upper Barton Creek in’n Süüdoosten, Seven Miles in’n Süden, San Antonio un Cristo Rey in’n Süüdwesten, Santa Elena in’n Westen un Esperanza, Central Farm un Georgeville in’n Noordwesten.

Historie[ännern | Bornkood ännern]

In Cool Shade bestünn en Ranch, op de Vehtucht bedreven worrn is. De Ranch hett aver keen Gewinn afsmeten un is von’n Besitter an de Latin American Agribusiness Development Corporation verköfft worrn. Düt Ünnernehmen hett de Ranch mit Hülp von de Citrus Company of Belize in en Zitrus-Plantaasch ümwannelt.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

De Oort liggt an de Chiquibul Road, de in’n Noorden in Georgeville in’n George Price Highway münnt, de in’n Süüdwesten över San Ignacio/Santa Elena na Benque Viejo del Carmen un an de Grenz von Guatemala löppt un in’n Noordoosten över Belmopan na Belize-Stadt. In’n Süden löppt de Chiquibul Road na Seven Miles un wieder in de Maya-Bargen rin.

De nächste Flegerplatz is de Matthew Spain Aiport bi Central Farm.