Benque Viejo del Carmen

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Benque Viejo del Carmen
Laag vun Benque Viejo del Carmen in Belize
Basisdaten
Distrikt: Cayo
Inwahners: 6.148 (2010-00-002010)
Geograafsche Laag:
Koordinaten:17° 4′ N, 89° 8′ W
17° 4′ N, 89° 8′ W

Blick över’n Oort von Noorden ut keken (2015)
Benque Viejo del Carmen 1965

Benque Viejo del Carmen oder körter Benque Viejo is en Gemeen in’n Distrikt Cayo von dat Land Belize. De Inwahners sünd vör allen Mestizen.

De Oort liggt direkt an de Grenz na dat Departamento Petén von Guatemala.

Geografie[ännern | Bornkood ännern]

De Oort liggt op en Höögd von 129 m över de See an dat rechte Över von’n Mopan River. Na Süden to doot de Maya-Bargen liggen.

De Naveröörd sünd Calla Creek in’n Noorden, San Jose Succotz, San Ignacio un Cristo Rey in’n Noordoosten, San Antonio in’n Oosten, Augustine in’n Süüdoosten, Arenal in’n Süüdwesten un Melchor de Mencos in’n Westen.

Mit San Jose Succotz is de Oort al tohoopwussen.

Historie[ännern | Bornkood ännern]

En poor Kilometer in’n Noorden von de Stadt doot de Maya-Ruinen von Xunantunich liggen. Ok vondaag leevt in dat Rebeed noch Mayas.

De hüdige Oort is aver eerst in dat 19. Johrhunnert von Inwannerers ut Guatemala grünnt worrn. De eersten Inwahners weren Holtfällers. Dat Holt is över Mopan River un Belize River na de Küst flött worrn.

Elk Johr an’n 15. Juli warrt in Benque Viejo en Fiesta to Ehren von Uns Hillige Fro von’n Barg Karmel (Virgen del Carmen) fiert.

Inwahnertall[ännern | Bornkood ännern]

Johr Inwahners
1970-00-001970[1] 1.921
1980-00-001980[1] 2.435
1991-00-001991[1] 3.580
2000-00-002000[2] 5.420 Lüüd. 1.174 Huushollen
2010-00-002010[2] 6.148 Lüüd. 1.416 Huushollen
2018-00-002018[3] 6.880

De Inwahners weren bi’n Zensus 2000 to 93 % Mestizen un to 3 % Maya. De Rest hett sik op de verscheden annern Volksgruppen von Belize opdeelt.[2]

Börgermeesters[ännern | Bornkood ännern]

  • 1982–1983: Pedro Guerra Mena (UDP)
  • –2003: Gerardo Marconi Sosa (UDP)
  • 2003–2006: Said Badi Guerra (UDP)
  • 2006–2015: Gerardo Marconi Sosa (UDP)
  • 2015–: Heraldo Ramcharan Jr. (UDP)

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör’n Oort föhrt de George Price Highway, de in’n Noordoosten över San Ignacio/Santa Elena un Belmopan na Belize-Stadt föhrt un in’n Westen na Melchor de Mencos. Dor in Guatemala löppt de Straat wieder as CA-13 na Flores.

In de Neegd liggt de lüttje Flegerplatz von Maya Flats.

Scholen[ännern | Bornkood ännern]

In Benque Viejo del Carmen gifft dat ünner annern de Mount Carmel Primary School, de Nazarene Primary School, de Mount Carmel High School, dat John Paul II Junior College un de Mopan Technical High School.

Footnoten[ännern | Bornkood ännern]

  1. a b c Zensus 2000 (PDF) von dat Central Statistical Office of Belize
  2. a b c Zensus 2010 (PDF) von dat Statistical Institute of Belize
  3. http://citypopulation.de/Belize_d.html

Weblenken[ännern | Bornkood ännern]

Commons-logo.svg Benque Viejo del Carmen. Mehr Biller, Videos oder Audiodateien to’t Thema gifft dat bi Wikimedia Commons.