Central Farm
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | 187 (2010) | |
| Geograafsche Laag: | Koordinaten:17° 11′ N, 89° 0′ W17° 11′ N, 89° 0′ W | |
Central Farm is en Gemeen in’n Distrikt Cayo in Belize.
Geografie
[ännern | Bornkood ännern]De Oort liggt an’n Garbut Creek, de en Stück in’n Noorden von’n Oort in’n Belize River münnt. Na Süden to doot de Maya-Bargen liggen.
De Naveröörd sünd Spanish Lookout in’n Noorden, Georgeville in’n Noordoosten, Cool Shade un Upper Barton Creek in’n Süüdoosten, Cristo Rey, Santa Elena un Esperanza in’n Süüdwesten un Billy White un Duck Run I in’n Noordwesten.
Historie
[ännern | Bornkood ännern]An’n 20. Oktober 1948 is dat Central Farm Research and Innovation Center grünnt worrn, in dat Soldaten von de British Honduras Volunteer Guard wat över Bueree lehrt hebbt för de Tied na jemehr Deensttied.
1953 is de Central Farm Training School grünnt worrn, wat en Ackerboschool weer, de korte Lehrgäng för de Bueree anbeden dee. De School is 1977 in de Belize School of Agriculture ümwannelt worrn, de denn en een Johr lange Lehr anbaden hett. 1981 is dat eerste Twee-Johr-Programm anbaden worrn un von 1983 af an hett dat blots noch Twee-Johr-Lehren geven. 1986 is dat Institut to dat Belize College of Agriculture worrn. In dat Johr 2000 is dat College mit veer annere Scholen in Belize to de Universität von Belize tohoopleggt worrn. De Standoort in Central Farm billt sietdem dat Department of Agriculture von de Universität.
De Naam von’n Oort kummt von de Rull as Zentraalfarm för dat Utbillen von Farmlüüd. De Oort is meist kumplett dör’n Universitätscampus präägt.
Siet 2003 gifft dat tosätzlich de Galen University in Central Farm.
Inwahnertall
[ännern | Bornkood ännern]| Johr | Inwahners |
|---|---|
| 2000[1] | 205 Lüüd, 38 Huushollen |
| 2010[2] | 187 Lüüd, 41 Huushollen |
Weertschop un Infrastruktur
[ännern | Bornkood ännern]In Central Farm liggt en Kasern von de Belize Defence Forces (Belizario Camp).
Verkehr
[ännern | Bornkood ännern]
De Oort liggt an’n George Price Highway, de in’n Noordoosten över Belmopan na Belize-Stadt föhrt un in’n Süüdwesten över San Ignacio/Santa Elena un Benque Viejo del Carmen na de Grenz to Guatemala. De Oort is över en Fähr över’n Belize River ok direkt mit Spanish Lookout verbunnen.
In Central Farm liggt ok de Matthew Spain Airport.
Footnoten
[ännern | Bornkood ännern]- ↑ Zensus 2000 (PDF) von dat Central Statistical Office of Belize
- ↑ Zensus 2010 (PDF) von dat Statistical Institute of Belize
Arenal | Armenia | Belmopan | Benque Viejo del Carmen | Billy White | Blackman Eddy | Buena Vista | Bullet Tree Falls | Calla Creek | Camalote | Central Farm | Cotton Tree | Cristo Rey | Duck Run 1 | Duck Run 2 | Duck Run 3 | Esperanza | Frank’s Eddy | Georgeville | La Gracia | Los Tambos | Lower Barton Creek | More Tomorrow | Ontario | Paslow Falls | Ringtail | Roaring Creek | San Antonio | San Ignacio/Santa Elena | San Jose Succotz | Santa Familia | Santa Martha | Selena | Seven Miles | Spanish Lookout | St. Matthew’s | Teakettle | Unitedville | Upper Barton Creek | Valley of Peace
