Valley of Peace

Wapen/Flagg

Koort

Basisdaten

Distrikt: Cayo

Inwahners:

2.112 (2010-00-002010)

Geograafsche Laag:

Koordinaten:17° 20′ N, 88° 50′ W17° 20′ N, 88° 50′ W

Valley of Peace (spaansch Valle de Paz) is en Gemeen in’n Distrikt Cayo von dat Land Belize.

Geografie

Dat Water ut dat Rebeed flütt na’n Belize River hen af, de veer Kilometer in’n Süden langslöppt.

De Naveröörd sünd More Tomorrow in’n Oosten, Cotton Tree un Belmopan in’n Süüdoosten, Roaring Creek, Camalote un Teakettle in’n Süden, Ontario, Iguana Creek un Buena Vista in’n Süüdwesten un La Gracia in’n Noordwesten. Dat Rebeed in’n Noorden is Oorwoold.

Historie

In’n Salvadoriaanschen Börgerkrieg sünd en Reeg Minschen ut El Salvador flücht. De UN-Hoochkommissar för Flüchtlinge hett sik dorüm för en Projekt insett, dat düsse Minschen in Belize en ne’e Heimaat finnen kunnen. De Senaat hett dor över afstimmt un beslaten, dat in dat Rebeed von Valley of Peace en Siedlung för Flüchtlinge inricht warrn schull. Betahlt hett dat de UN. 1982 is de Siedlung denn anleggt worrn. Belize harr den Wunsch, dat op dree Flüchtlingsfamilien een Familie ut Belize in dat Projekt mit inbunnen warrt. Deelwies sünd ok Flüchtlinge ut annere middelamerikaansche Staten as El Salvador na Valley of Peace tagen. De Familien hebbt en Grundstück von een Acre un Ackerland von 50 Acre kregen. Dat Mennonietsche Zentraalkomitee hett sik in de eerste Tied för de Siedlers insett, ünner annern in Form von Levensmiddelleverungen un Drinkwater.

1992 is de Siedlung offiziell en Gemeen worrn.

Inwahnertall

Johr	Inwahners
2000-00-002000^[1]	1.781 Lüüd, 324 Huushollen
2010-00-002010^[2]	2.112 Lüüd, 401 Huushollen

Religion

In Valley of Peace gifft dat dree Karken, ünnern annern von de Baptisten.

Weertschop un Infrastruktur

De Weertschop is von de Bueree präägt.

Verkehr

Von Valley of Peace gaht Straten na La Gracia in’n Noordwesten, na Buena Vista in’n Süüdwesten un na Camalote in’n Süüdoosten an’n George Price Highway.

Scholen

To Anfang harr de Oort blots en Grundschool un de Kinner müssen na Belmopan, nadem se mit de Grundschool dör weren.

Vondaag hett de Oort twee Kinnergoorns, twee Grundscholen un een Highschool.

Footnoten

↑ Zensus 2000 (PDF) von dat Central Statistical Office of Belize
↑ Zensus 2010 (PDF) von dat Statistical Institute of Belize

Weblenken

Valley of Peace. Mehr Biller, Videos oder Audiodateien to’t Thema gifft dat bi Wikimedia Commons.

Gemenen von’n Distrikt Cayo in Belize

[ZensusBelize2000-1] Zensus 2000 (PDF) von dat Central Statistical Office of Belize

[ZensusBelize2010-2] Zensus 2010 (PDF) von dat Statistical Institute of Belize

[1]

[2]