Pedro Guerra Mena

Vun Wikipedia
Zur Navigation springen Zur Suche springen

Pedro Guerra Mena (* 1924 oder 1925; † 19. Dezember 2001 in Benque Viejo del Carmen) weer en Politiker ut Belize (NIP, UDP).

Mena weer toeerst Maat von de National Independence Party (NIP). För düsse Partei weer he bi de Parlamentswahl in Brietsch-Honduras 1961 Kannedaat in’n Wahlkreis Cayo Süüd. He hett 5,8 % von de Stimmen kregen un keem op’n drüdden Platz achter Santiago Perdomo von de PUP un Eduardo Espat von de CDP. Ok bi de Wahlen 1965 (36,5 %, verloren gegen Perdomo, PUP), 1969 (39,0 %, verloren gegen Perdomo, PUP) un 1974 (36,7 %, verloren gegen Perdomo, PUP) is he in’n sülven Wahlkreis wedder antreden. Bi de Wahl 1974 is he för de UDP antreden, de sik 1973 billt hett, nadem de NIP sik mit annere Partein tohoopslaten harr.

Mena weer von 1982 bet 1983 Börgermeester von Benque Viejo del Carmen.[1] Ok na düsse Tied weer he noch bet to sien Dood an’n 19. Dezember 2001 in’n Stadtraad von Benque Viejo del Carmen un weer bet März 2000 Viez-Börgermeester.[1]

Bi de Parlamentswahl in Belize 1984 weer he Kannedaat för de UDP in’n Wahlkreis Cayo West un hett de Wahl mit 54,7 % von de Stimmen gegen Mac Alamilla von de PUP wunnen.

Dormit weer he von 1984 bet 1989 Afornten von dat Repräsentantenhuus von Belize.

Mena weer verheiraadt un harr twölv Kinner.[1] He is an’n 19. Dezember 2001 an Kreeft doodbleven.[1] Sien Söhn Said Badi Guerra weer von 2003 bet 2006 ok Börgermeester von Benque Viejo del Carmen.

Ehren[ännern | Bornkood ännern]

In Benque Viejo del Carmen is en lüttjen Park na em Pedro Guerra Mena Park nöömt worrn. Tosätzlich gifft dat en Pedro Guerra Mena Street.

Footnoten[ännern | Bornkood ännern]

  1. a b c d Pedro Guerra Mena dies of cancer in Benque, Channel 5 Belize an’n 19. Dezember 2001