Barton Creek (Belize)

Vun Wikipedia
Barton Creek
Laag Cayo, Belize
Stroomsystem Belize River
Läng 35 km
Born in de Maya-Bargen
Münn bi Unitedville in’n Belize River
De Barton-Creek-Höhl an’n Barton Creek (2007)

De Barton Creek is en üm un bi 35 Kilometer langen Stroom in’n Distrikt Cayo von dat Land Belize, de in’n Belize River münnt.

De Creek hett sien Born in de Mountain Pine Ridge (schuult as Mountain Pine Ridge Forest Reserve) in de Maya-Bargen in’n Süüdoosten von Seven Miles/El Progresso. In dat Daal, dat de Barton Creek in de Mountain Pine Ridge sneden hett, liggt ok de Butterfly Falls. Von dor flütt he toeerst na Noordwesten op Seven Miles/El Progresso to un dreiht denn na Noorden. Bi Seven Miles/El Progresso liggt ok de Barton-Creek-Höhl. Twee Mennoniten-Öörd doot an’n Stroom liggen: op dat linke Över liggt Upper Barton Creek un op dat rechte Över Lower Barton Creek. Achter Lower Barton Creek kaamt op dat linke Över Cool Shade un Georgeville un op dat rechte Över Unitedville. Bi Unitedville münnt de Barton Creek von rechts in’n Belize River, de later in de Karibische See flütt. 500 Meter stroomaf münnt ok de Little Barton Creek in’n Belize River.


Koordinaten:17° 13′ N, 88° 57′ W