Pomona (Belize)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Pomona
Laag vun Pomona in Belize
Basisdaten
Distrikt: Stann Creek
Inwahners: 1.730 (2010-00-002010)
Geograafsche Laag:
Koordinaten:16° 60′ N, 88° 22′ W
16° 60′ N, 88° 22′ W

Pomona is en Gemeen in’n Distrikt Stann Creek von dat Land Belize.

Geografie[ännern | Bornkood ännern]

De Oort liggt an dat Noordöver von’n North Stann Creek an’n Oostrand von de Maya-Bargen. In’n Süden liggt de Mayflower-Bocawina-Natschonaalpark un in’n Noordwesten de Billy-Barquedier-Natschonaalpark un de Manatee Forest Reserve.

De Naveröörd sünd Mullins River in’n Noordoosten, Hope Creek un Melinda in’n Oosten, Sarawee in’n Süüdoosten, Silk Grass in’n Süden un Alta Vista un Steadfast Community in’n Westen.

Historie[ännern | Bornkood ännern]

In de Neegd liggt de Pomona Cave, in de ok Funnen ut de Maya-Tied maakt worrn sünd.

1913 hebbt de Mediziner Smith Osborne Browne, de Manager Alfred Edward Vine (British Honduras Syndicate) un de Bananenplanter William Alexander Bowman 900 Pampelmusen-Planten ut Florida importeert un Plantaaschen in Sarawee un Pomona anleggt.[1] Dat weren de eersten Zitrusplantaaschen in Belize.

Inwahnertall[ännern | Bornkood ännern]

Johr Inwahners
2000-00-002000[2] 1.101 Lüüd. 254 Huushollen
2010-00-002010[3] 1.730 Lüüd. 439 Huushollen

Weertschop un Infrastruktur[ännern | Bornkood ännern]

Wark von Citrus Products of Belize

In de Ümgegend von Pomona (in dat Stann Creek Valley) warrt vör allen Zitrusfrücht anboot. Siet 1948 gifft dat en Wark in Pomona, dat Zitrusfrücht verarbeiden deit un to dat Ünnernehmen Citrus Products of Belize Limited tohöört.

Verkehr[ännern | Bornkood ännern]

De Oort liggt an’n Hummingbird Highway, de in’n Noordwesten över Armenia na Belmopan an’n George Price Highway föhrt un in’n Süüdoosten na Dangriga un na’n Southern Highway.

Von 1908 bet 1937 hett dat mit de Stann Creek Railway ok en Bahnlien geven, de von Dangriga bet Middlesex güng un an Pomona langslööp.

Footnoten[ännern | Bornkood ännern]

  1. The Citrus Industry of Belize (1913–Present)
  2. Zensus 2000 (PDF) von dat Central Statistical Office of Belize
  3. Zensus 2010 (PDF) von dat Statistical Institute of Belize

Weblenken[ännern | Bornkood ännern]

Commons-logo.svg Pomona (Belize). Mehr Biller, Videos oder Audiodateien to’t Thema gifft dat bi Wikimedia Commons.