Placencia

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Placencia
Laag vun Placencia in Belize
Basisdaten
Distrikt: Stann Creek
Inwahners: 1.753 (2010-00-002010)
Geograafsche Laag:
Koordinaten:16° 31′ N, 88° 22′ W
16° 31′ N, 88° 22′ W

Placencia is en Gemeen in’n Distrikt Stann Creek von dat Land Belize. Dat is en Strandoort an de Küst von de Karibische See.

Geografie[ännern | Bornkood ännern]

Strand in Placencia

De Oort liggt an de Spitz von de 25 Kilometer lange Landtung, de de Laguun von Placencia von de Karibische See afdeelt. Vör de Küst doot en Reeg Krallenriffs von dat Belize Barrier Reef liggen. De Oostküst von de Landtung hett veel Sandstränn, de Westküst is to en groten Deel Mangrovenholt.

De Naveröörd sünd Seine Bight in’n Noorden, Monkey River Town un Mango Walk in’n Süüdwesten un Independence in’n Westen.

Historie[ännern | Bornkood ännern]

De Naam Placencia kummt von Punta Placentia, wat de spaansche Naam von de Spitz (punta) von de Landtung weer, op de de Oort liggt. Placentia bedüüdt pleseerlich.

De lüttje Fischeroort hett sik utgangs dat 20. Johrhunnert un anfangs dat 21. Johrhunnert to en Turistenoort utwickelt. Dör de Riffs vör de Küst is de Oort besünners för Duuk- un Snorkelturisten intressant.

An’n 8. Oktober 2001 is de Oort swoor von’n Hurrikan Iris drapen worrn, de en groten Deel von de Gebüüd in Placencia beschädigt hett.

Inwahnertall[ännern | Bornkood ännern]

Johr Inwahners
2000-00-002000[1] 458 Lüüd. 138 Huushollen
2010-00-002010[2] 1.753 Lüüd. 644 Huushollen

Kultur[ännern | Bornkood ännern]

Sport[ännern | Bornkood ännern]

De Footballvereen Altitude Assassins FC speelt in de eerste Liga von Belize.

Weertschop un Infrastruktur[ännern | Bornkood ännern]

Jachthaven in Placencia
Fischerslüüd in Placencia

Verkehr[ännern | Bornkood ännern]

De eenzige Straat ut Placencia rut föhrt in’n Noorden över Seine Bight un Maya Beach na Riversdale un von dor na Santa Cruz an’n Southern Highway. Dat gifft aver ok en Fährlien na Independence.

De Oort hett ok en egen lütten Flegerplatz, Placencia Airport, de ünner annern von Maya Island Air anflagen warrt.

Footnoten[ännern | Bornkood ännern]

  1. Zensus 2000 (PDF) von dat Central Statistical Office of Belize
  2. Zensus 2010 (PDF) von dat Statistical Institute of Belize

Weblenken[ännern | Bornkood ännern]

Commons-logo.svg Placencia. Mehr Biller, Videos oder Audiodateien to’t Thema gifft dat bi Wikimedia Commons.