Maya Beach

Dit Woort hett noch annere Bedüden: kiek dorför ünner Ko Phi Phi Leh.

Wapen/Flagg

Koort

Basisdaten

Distrikt: Stann Creek

Inwahners:

229 (2010-00-002010)

Geograafsche Laag:

Koordinaten:16° 37′ N, 88° 21′ W16° 37′ N, 88° 21′ W

Maya Beach is en Gemeen in’n Distrikt Stann Creek von dat Land Belize. Dat is en Strandoort an de Küst von de Karibische See.

Geografie

De Oort liggt in de Midd von de 25 Kilometer lange Landtung, de de Laguun von Placencia von de Karibische See afdeelt. Vör de Küst doot en Reeg Krallenriffs von dat Belize Barrier Reef liggen. De Oostküst von de Landtung hett veel Sandstränn, de Westküst is to en groten Deel Mangrovenholt.

De Naveröörd sünd Riversdale in’n Noordoosten, Seine Bight un Placencia in’n Süden, Independence in’n Süüdwesten un San Roman, Santa Rosa, Santa Cruz un Mayan King in’n Noordwesten.

Historie

Dat Rebeed is 1964 von Robert Gayer ut Vancouver, Kanada, köfft worrn, de dat as Feernoort opboot hett. He hett mit sien Ünnernehmen Plantation Palms Ltd. Hüüs vör allen an Kanadiers verköfft.

De Oort is vondaag präägt von en Expat-Gemeenschop von Kanadiers un US-Amerikaners.

Inwahnertall

Johr	Inwahners
2010-00-002010^[1]	229 Lüüd, 99 Huushollen

Weertschop un Infrastruktur

Verkehr

De eenzige Straat dör Maya Beach föhrt in’n Noorden na Riversdale un von dor na Santa Cruz an’n Southern Highway un in’n Süden över Seine Bight na Placencia. Von Placencia gifft dat en Fährlien na Independence.

De Placencia Airport liggt en beten in’n Süden von Seine Bight.