Monkey River Town

Wapen/Flagg

Koort

Basisdaten

Distrikt: Toledo

Inwahners:

196 (2010-00-002010)

Geograafsche Laag:

Koordinaten:16° 22′ N, 88° 29′ W16° 22′ N, 88° 29′ W

Monkey River Town oder ok blots Monkey River is en Gemeen in’n Distrikt Toledo von dat Land Belize. In’n Oort leevt vör allen Kreolen.

Geografie

De Oort liggt an’e Münn von’n Monkey River in de Karibische See.

De Naveröörd sünd Mango Walk in’n Noorden, Independence un Placencia in’n Noordoosten, Punta Negra in’n Süüdwesten un Bladen un Bella Vista in’n Noordwesten.

Historie

De Oort hett 1891 den Status von en Town kregen. To düsse Tied harr de Oort meist 2500 Inwahners, de vör allen Holt slahn un in de Bananenplantaaschen arbeidt hebbt. As düsse Industrien nix mehr afsmieten deen, ünner annern dör dat Utbreken von de Panamakrankheit un den Bo von’n Big Creek Port, de den Hannel na Independence verlagern dee, is dat mit’n Oort in dat 20. Johrhunnert düchtig bargdal gahn. 1981 hett de Oort sien Status as Town verloren un gellt nu blots noch as Village.

An’n 9. Oktober 2001 is de Oort swoor von’n Hurrikan Iris drapen worrn.

Inwahnertall

Johr	Inwahners
2000-00-002000^[1]	176 Lüüd, 40 Huushollen
2010-00-002010^[2]	196 Lüüd, 37 Huushollen

Börgermeesters

üm 1964: John Watler

Weertschop un Infrastruktur

De Oort is vör allen en Fischerdörp, aver vondaag warrt ok de Tourismus jümmer wichtiger.

Verkehr

Dat gifft en Straat von’n Southern Highway twüschen Bella Vista un Independence na Monkey River Town. De Straat is aver an dat Noordöver von’n Stroom toenn. De Oort liggt op dat Süüdöver un dor is blots per Boot hentokamen.

Monkey River Town is ok de Utgangspunkt för Bootsreisen na Punta Negra. Düsse Oort is ok nich an Straten anslaten.

De nächste Flegerplatz is de Independence Airport in Independence.

Scholen

De Oort hett en egen Grundschool.

Footnoten

↑ Zensus 2000 (PDF) von dat Central Statistical Office of Belize
↑ Zensus 2010 (PDF) von dat Statistical Institute of Belize

Gemenen von’n Distrikt Toledo in Belize

[ZensusBelize2000-1] Zensus 2000 (PDF) von dat Central Statistical Office of Belize

[ZensusBelize2010-2] Zensus 2010 (PDF) von dat Statistical Institute of Belize

[1]

[2]