San Antonio (Toledo)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
San Antonio
Laag vun San Antonio in Belize
Basisdaten
Distrikt: Toledo
Inwahners: 1.204 (2010-00-002010)
Geograafsche Laag:
Koordinaten:16° 15′ N, 89° 1′ W
16° 15′ N, 89° 1′ W

San Antonio is en Gemeen in’n Distrikt Toledo von dat Land Belize. De Inwahners sünd vör allen Maya von dat Volk von de Mopan un to en lüttjeren Deel von de Kekchí.[1]

Geografie[ännern | Bornkood ännern]

San-Antonio-Waterfall

Dör den Oort flütt de Mafredi Creek, de later in’n Blue Creek münnt. En beten in’n Westen von’n Oort liggt de San-Antonio-Waterfall.

De Naveröörd sünd Crique Jute in’n Noorden, San Pedro Columbia in’n Noordoosten, Mafredi un Dump in’n Oosten, Laguna in’n Süüdoosten, Jordan un Blue Creek in’n Süden, Santa Cruz un Santa Elena in’n Westen un San Jose un Na Lum Cah in’n Noordwesten.

Historie[ännern | Bornkood ännern]

De Oort is 1883 grünnt worrn, von Mopan-Maya, de ut dat Rebeed von dat Municipio San Luis in dat Departamento Petén, Guatemala, flücht sünd.

Inwahnertall[ännern | Bornkood ännern]

Johr Inwahners
2000-00-002000[2] 1.158 Lüüd. 229 Huushollen
2010-00-002010[3] 1.204 Lüüd. 257 Huushollen

Religion[ännern | Bornkood ännern]

Kathoolsche Kark in San Antonio 2013

In San Antonio gifft dat en kathoolsche Kark, de in de Johren 1940 inricht worrn is.[1] Dat is en Missionsstatschoon, de von de Jesuiten von St. Peter Claver in Punta Gorda bedreven warrt. De Schutzhillige is de Hillge Tönjes (spaansch San Antonio).

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör den Oort föhrt de San Antonio Road, de in’n Süüdwesten bi Jalacte na de Grenz na Guatemala löppt un de in’n Oosten in Dump in’n Southern Highway münnt.

De nächste Flegerplatz is de Punta Gorda Airport in Punta Gorda.

Footnoten[ännern | Bornkood ännern]

  1. a b Maya Atlas: The Struggle to Preserve Maya Land in Southern Belize. North Atlantic Books, Berkeley 1997, Sied 44
  2. Zensus 2000 (PDF) von dat Central Statistical Office of Belize
  3. Zensus 2010 (PDF) von dat Statistical Institute of Belize

Weblenken[ännern | Bornkood ännern]

Commons-logo.svg San Antonio (Toledo). Mehr Biller, Videos oder Audiodateien to’t Thema gifft dat bi Wikimedia Commons.