Belize-Kreolen

Vun Wikipedia
Zur Navigation springen Zur Suche springen

De Belize-Kreolen (Kriol oder Belizean Creole) sünd en Kreol-Volksgrupp in dat Land Belize. Snacken doot se vör allen Belize-Kriol.

De Volksgrupp geiht trügg op swarte Afrikaners, de as Slaven in de brietschen Kolonien in Middelamerika bröcht worrn sünd un de sik deelwies mit Europäers vermischt hebbt.

Spraak un Kultur von de Belize-Kreolen sünd eng verwandt mit dat Miskito-Kreol un dat Jamaikaansche Kreol.

Historie[ännern | Bornkood ännern]

De Kreolen in Belize (vördem Brietsch-Honduras) gaht trügg op de europääschen Baymen un afrikaansche Slaven, de de Baymen mitbröcht hebbt. De Baymen hebbt üm 1650 anfungen, Holt in dat Rebeed von dat hüdige Belize to slahn, vör allen Mahagoni. De Gruppen von de Baymen un de Slaven hebbt sik mit de Tied vermischt un en spezielle Kultur utbillt.

In Belize warrt vondaag all Lüüd as Kreolen ansehn, de deelwies von swarte Afrikaners afstammt un keen Garifuna sünd (de Garifuna stammt ok von swarte Slaven af, hebbt aver en egen Geschicht un Kultur, de von de Kreolen verscheelt).

Bet in de twete Hälft von dat 20. Johrhunnert weren de Kreolen de Mehrheit von de Inwahners von Brietsch-Honduras/Belize. Vör allen in de Hööftstadt Belize-Stadt, in en Reeg Öörd langs de Küst un an’n Belize River leevt veel Kreolen. In dat 20. un 21. Johrhunnert is de Andeel von de Kreolen in Belize aver trügggahn. Dat liggt to’n enen dor an, dat Lüüd ut annere middelamerikaansche Länner na Belize inwannert sünd, to’n annern dor an, dat Kreolen ut Belize utwannert sünd, vör allen na de USA.

Andeel an de Inwahners von ganz Belize
Zensus Prozent Tall alltohoop
Zensus 1980[1] 39,6 57.542
Zensus 1991[1] 29,8 55.381
Zensus 2000[1] 24,9 57.859
Zensus 2010[2] 20,8 63.057

Footnoten[ännern | Bornkood ännern]

  1. a b c 2001 Abstract of Statistics von dat Central Statistical Office of Belize
  2. Main Results of 2010 Population and Housing Census von dat Statistical Institute of Belize