Baymen

Vun Wikipedia
Zur Navigation springen Zur Suche springen

De Baymen weren de eersten europääschen Siedlers an de Bucht von Honduras in de Region, de later to Brietsch-Honduras un nu to Belize worrn is.

Ofschoonst de Spaniers de Region al in dat 16. Johrhunnert in Besitt nahmen harrn, weren de spaanschen Posten man so roor seiht, dat de Englänners keen Wedderstand sehn hebbt, as sik in de Johren 1630 de eersten engelschen Bukaneers un Freebüters Stüttpunkte an de karibische Küst anleggt hebbt. De eersten Stüttpunkte weren in St. George’s Caye un Belize-Stadt an de Münn von’n Belize River. De engelschen Fohrenslüüd hebbt aver ok markt, dat dat in dat Achterland veel Campechebööm geev, de Farvstoff levern kunnen. Dorüm hebbt se gliektiedig mit dat Freebüterdom ok anfungen, Holtfällers to warrn. För de swore Arbeid hebbt se Slaven inföhrt. Bilütten hett sik in de lüttje Holtfäller-Kolonie en System von Forestocracy rutbillt un de Kolonisten harrn en wisse Autonomie, denn dat weer lange Tied formaal keen engelsche Kolonie. Eerst 1863 hett Brietsch-Honduras vullen Status as en brietsche Kroonkolonie kregen.