North Stann Creek

North Stann Creek
Laag	Belize
Stroomsystem	North Stann Creek
Läng	65 km
Afströömrebeed	280 km²
Born	in de Maya-Bargen
Münn	in Dangriga in de Karibische See (op 0 m över de See)
linke Blangenströöm	Kent River
rechte Blangenströöm	Big Eddy Branch
Luftbild von’n Stroom mit’n Oort Dangriga un de Münn in’n Achtergrund (2012)

Münn von’n Stroom in Dangriga

De North Stann Creek oder Dangriga River is en üm un bi 65 Kilometer langen Stroom in’n Distrikt Stann Creek von Belize.

De Stroom hett en Afströömrebeed von üm un bi 280 km².

De South Stann Creek is en kumplett separaten Stroom 30 Kilometer wieder in’n Süden.

Verloop

De Stroom hett sien Born in’n Oorwoold von de Maya-Bargen dicht bi de Grenz von de Distrikte Cayo un Stann Creek. Nich wied af liggt de Mount Mossy. Von dor flütt he na Oosten. He drippt dor op’n Hummingbird Highway, de in Middlesex twee Maal mit Brüggen över’n Stroom röver geiht. De Highway blifft nu bet na de Münn jümmer dicht bi’n Stroom. In Middlesex münnt von links de lüttje Kent River. in Valley Community draapt nu ok de Noordtelg un de Süüdtelg (North Branch un South Branch) von’n North Stann Creek tohoop. De Süüdtelg hett sien Born an’n Süüdhang von’n Mount Mossy. In’n Süden von Valley Community münnt von rechts de 16,5 Kilometer lange Big Eddy Creek in’n North Stann Creek.

De North Stann Creek löppt vörbi an de Öörd Steadfast, Alta Vista, Pomona, Melinda un Hope Creek. In’n Süüdoosten von Hope Creek geiht de Hummingbird Highway wedder mit en Brügg över’n Stroom. Besünners hier in’n Ünnerloop warrt de Stroom Dangriga River nöömt. He löppt an’n Oort Sarawee langs un münnt denn in Dangriga in de Karibische See.

Weblenken

North Stann Creek. Mehr Biller, Videos oder Audiodateien to’t Thema gifft dat bi Wikimedia Commons.