Corozal (Distrikt)

Vun Wikipedia
Zur Navigation springen Zur Suche springen
HondurasGuatemalaMexikoCorozal (Distrikt)Orange Walk (Distrikt)Belize (Distrikt)Stann Creek (Distrikt)Cayo (Distrikt)Toledo (Distrikt)
Koort von’n Distrikt Corozal
Koort von 1910 mit de olen Distrikt-Grenzen

De Distrikt Corozal (engelsch Corozal District) is een von de söss Distrikte von Belize. De Hööftoord is Corozal. De Distrikt hett en Grött von 1860 km² un hett 36.800 Inwahners (Stand 2008).

Geografie[ännern | Bornkood ännern]

Corozal liggt in’n Noorden von Belize un grenzt in’n Süden en Stück an den Distrikt Belize, in’n Süüdwesten an Orange Walk un in’n Noorden is Mexiko. In’n Oosten liggt de Karibische See.

Grenzen[ännern | Bornkood ännern]

De Grenz na Mexiko in’n Noorden fangt an de Münn von’n Hondo River in de Bucht von Chetumal an un löppt’n Hondo River hoog bet na de Grenz to’n Distrikt Orange Walk bi Douglas.

Von dor löppt de Grenz stuur na Süüdoosten bet an de Steed, an de de twee Arms von’n New River wedder tohoopfleten doot (in’n Süüdwesten von Caledonia) un mit en Knick wieder na’n Freshwater Creek bi Honey Camp. Von hier löppt de Grenz wedder stuur na Süüdoosten bet an en Punkt in’n Süden von Neuland, drippt dor op’n Distrikt Belize un geiht denn na Oosten an de Küst bi Bennetts Lagoon.

Inwahnertall[ännern | Bornkood ännern]

Johr Inwahners
Zensus 1921[1] 6.756
Zensus 1946[1] 6.773
Zensus 1960[1] 9.730
Zensus 1970[1] 15.551
Zensus 1980[1] 22.902
Zensus 1991[1] 28.464
Zensus 2000[1] 33.894
Zensus 2010[1] 41.061

De Inwahners weren bi’n Zensus 2000 to 76 % Mestizen, to 7 % Kreolen, to 7 % Mennoniten, to 5 % Inders un to 3 % Maya. De Rest hett sik op de verscheden annern Volksgruppen von Belize opdeelt.[1]

Ünnerafdelen[ännern | Bornkood ännern]

Gemenen[ännern | Bornkood ännern]

De Gemenen binnen Corozal sünd:

Wahlen[ännern | Bornkood ännern]

Binnen den Distrikt gifft dat veer Wahlkreise: Corozal Bay, Corozal Noord, Corozal Süüdoost un Corozal Süüdwest.

Footnoten[ännern | Bornkood ännern]

  1. a b c d e f g h i Zensus 2010 (PDF) von dat Statistical Institute of Belize

Weblenken[ännern | Bornkood ännern]

Commons-logo.svg Corozal. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:18° 15′ N, 88° 20′ W