Little Belize

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Little Belize
Laag vun Little Belize in Belize
Basisdaten
Distrikt: Corozal
Inwahners: 2.650 (2010-00-002010)
Geograafsche Laag:
Koordinaten:18° 12′ N, 88° 22′ W
18° 12′ N, 88° 22′ W

Little Belize is en Gemeen in’n Distrikt Corozal von dat Land Belize.

Geografie[ännern | Bornkood ännern]

De Oort liggt in’n Süüdoosten von de Progresso Lagoon, de von’n Freshwater Creek/John Piles Creek dörflaten warrt. De Küst von de Bucht von Chetumal liggt twölv Kilometer in’n Noordoosten. Na Oosten to liggt de Shipstern-Laguun.

De Naveröörd sünd Chunox un Copper Bank in’n Noorden, Sarteneja in’n Noordoosten, Fire Burn in’n Oosten, Neuland in’n Süüdoosten, Santa Martha in’n Süden, Honey Camp un San Estevan in’n Süüdwesten un Caledonia un Progresso in’n Noordwesten.

Historie[ännern | Bornkood ännern]

De Kolonie is 1978 von Ooldkolonier-Mennoniten grünnt worrn, de Plautdietsch snackt.

De Mennoniten sünd över de Ukraine, Kanada un Mexiko na Belize kamen. Ut Mexiko sünd se 1958 wegtagen un hebbt sik in Belize in Shipyard dallaten. Von Shipyard ut is Little Belize 1978 as Dochterkolonie grünnt worrn.

Inwahnertall[ännern | Bornkood ännern]

Johr Inwahners
2000-00-002000[1] 2.097 Lüüd. 342 Huushollen
2010-00-002010[2] 2.650 Lüüd. 427 Huushollen

Weertschop un Infrastruktur[ännern | Bornkood ännern]

De Minschen von Little Belize warrt von de Poliklinik in Chunox medizinisch versorgt.

Verkehr[ännern | Bornkood ännern]

Von Little Belize gifft dat in’n Süüdoosten en Straat na Neuland. De wichtigere Straat is aver de Orange Walk - Progresso Road in’n Westen, de in’n Noordwesten över Progresso na Corozal föhrt un in’n Süüdwesten över San Estevan na Orange Walk. In Corozal un Orange Walk is de Straat anbunnen an’n Philip Goldson Highway.

De nächsten Flegerplätz sünd de Corozal Airport bi Ranchito un de Orange Walk Airport bi Chan Pine Ridge.

Footnoten[ännern | Bornkood ännern]

  1. Zensus 2000 (PDF) von dat Central Statistical Office of Belize
  2. Zensus 2010 (PDF) von dat Statistical Institute of Belize