Libertad (Belize)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Libertad
Laag vun Libertad in Belize
Basisdaten
Distrikt: Corozal
Inwahners: 1.606 (2010-00-002010)
Geograafsche Laag:
Koordinaten:18° 19′ N, 88° 27′ W
18° 19′ N, 88° 27′ W

Libertad is en Gemeen in’n Distrikt Corozal von dat Land Belize.

Geografie[ännern | Bornkood ännern]

De Oort liggt an dat linke Över von’n New River.

De Naveröörd sünd San Joaquin, Calcutta, Carolina un Ranchito in’n Noordoosten, Copper Bank un Chunox in’n Oosten, Progresso in’n Süüdoosten, Caledonia un Buena Vista in’n Süüdwesten, Santa Clara, San Roman un San Narciso in’n Westen un Louisville, San Pedro un Concepcion in’n Noordwesten.

Historie[ännern | Bornkood ännern]

De Oort hett fröher Pembroke Hall heten. He is in dat 18. Johrhunnert anleggt worrn un weer toeerst en Statschoon för Mahagoni-Holtfällers an’n New River. An dat Enn von dat 18. Johrhunnert hett Pembroke Hall Richard Hoare tohöört un in dat 19. Johrhunnert denn James Hume Blake. Von Blake is de Besitt an John Carmichael gahn un von Carmichael an Thomas Schofield. Sien Grootsöhn William Schofield hett den Landbesitt in Pembroke Hall an de Regeren von Brietsch-Honduras verköfft, nadem de Anlagen 1955 dör Hurrikan Janet swore Schadens nahmen harrn. Eerst in de Johren 1980, in de Tied as Belize en unafhängigen Staat worrn is, hett sik de Naam op Libertad ännert.

Inwahnertall[ännern | Bornkood ännern]

Johr Inwahners
2000-00-002000[1] 1.422 Lüüd. 305 Huushollen
2010-00-002010[2] 1.606 Lüüd. 373 Huushollen

Weertschop un Infrastruktur[ännern | Bornkood ännern]

Corozal Sugar Factory 2015

In Libertad leeg von 1935 bet 1985 de Corozal Sugar Factory, de to Belize Sugar Industries höört hett.

In Libertag gifft dat en Gesundheitszentrum, dat an’n 24. Februar 2012 inwieht worrn is un de veer Dörper Libertad, Concepcion, Caledonia un San Joaquin versorgt. De Bo von dat Zentrum hett 406.000 Belize-Dollar köst. Dat Geld keem von de Caribbean Development Bank.[3]

Verkehr[ännern | Bornkood ännern]

An Libertad langs löppt de Philip Goldson Highway, de in’n Noordoosten över San Joaquin, Calcutta un Carolina na Corozal un wieder na Mexiko föhrt un in’n Süden na Orange Walk un wieder na Belize-Stadt.

De nächste Flegerplatz is de Corozal Airport bi Ranchito.

Footnoten[ännern | Bornkood ännern]

  1. Zensus 2000 (PDF) von dat Central Statistical Office of Belize
  2. Zensus 2010 (PDF) von dat Statistical Institute of Belize
  3. New Libertad Health Center inaugurated, Gesundheitsministerium von Belize

Weblenken[ännern | Bornkood ännern]

Commons-logo.svg Libertad (Belize). Mehr Biller, Videos oder Audiodateien to’t Thema gifft dat bi Wikimedia Commons.