Río Hondo (Middelamerika)

Vun Wikipedia
Río Hondo
Hondo River
Laag Mexiko, Belize
Río Hondo Hondo River
Laag vun Río Hondo Hondo River in Belize
Stroomsystem Río Hondo
Läng 150 km
Afströömrebeed 13.500 km²
Münn Bucht von Chetumal (op 0 m över de See)
Koordinaten Münn:
Koordinaten:18° 29′ N, 88° 19′ W
18° 29′ N, 88° 19′ W
linke Blangenströöm Río Agua Dulce, Río Ucum, Río Huay Pix
rechte Blangenströöm Booth’s River
Stroom in Subteniente López

De Río Hondo (spaanschen Naam) oder Hondo River (engelschen Naam) is en 150 Kilometer langen Stroom op de Halvinsel Yucatán, de de Grenz twüschen de Staten Mexiko (op dat linke Över, Bundsstaat Quintana Roo) un Belize (op dat rechte Över, Distrikte Orange Walk un Corozal) billt. He münnt in de Bucht von Chetumal, de en Deel von de Karibische See is.

Verloop[ännern | Bornkood ännern]

De Stroom billt sik an de Steed, an de de Río Azul/Blue Creek un de Río Ixnohá tohoopfleten doot. Von dor bet an de Münn sünd dat 150 Kilometer. Wenn de Río Azul/Blue Creek mittellt warrt, is de Stroom allens tohoop över 200 Kilometer lang. Deelwies warrt de Afsnidd twüschen Río Ixnohá un Booth’s River noch to’n Río Azul/Blue Creek rekent un nich to’n Río Hondo/Hondo River. So rekent is de Stroom över 30 Kilometer körter.

De Río Hondo/Hondo River flütt toeerst na Süüdoosten an de Öörd Tres Leguas/Blumenthal un Blue Creek vörbi. Bi’n Oort La Unión dreiht de Stroom na Noordoosten un nimmt von rechts den Booth’s River op.

In Mexiko doot an dat Över de Öörd Revolución, José Narciso Rovirosa, San Francisco Botes, Cocoyol, Cacao, Pucté, Sabidos, Allende, Ramonal, Palmar, Sacxán un Juan Sarabia liggen. Bi Sabidos münnt de Río Agua Dulce in’n Hondo. In Belize liggt August Pine Ridge, Trinidad, Douglas, San Victor, San Narciso, Cristo Rey un Patchacan.

De dree Öörd Santa Cruz, San Antonio un San Roman (all dree in Belize) doot op Albion Island liggen. Dat is en Warder, den de Hondo River op en 20 Kilometer langen Afsnidd billt. De linke Arm billt de Staatsgrenz, dat Eiland liggt also kumplett in Belize.

Bi Juan Sarabia dreiht de Stroom na Oosten un nimmt von links den Río Ucum un den Río Huay Pix op, de ok mit de Milagros-Laguun un de Laguun von Bacalar verbunnen is. De Stroom flütt denn twüschen Subteniente López un de Corozal Free Zone in Santa Elena dör. Hier geiht de Philip Goldson Highway över de Grenz un münnt in de MEX 186. Dat is de eenzige offizielle Grenzövergang twüschen Mexiko un Belize.

Kort achter Santa Elena is de Stroom op de rechte Sied mit de Four Mile Lagoon verbunnen. Twüschen Chetumal un Consejo münnt de Stroom in de Bucht von Chetumal.

Historie[ännern | Bornkood ännern]

As Grenzstroom von Belize kummt de Hondo River ok in de Natschonaalhyme von Belize (Land of the Free) vör: From proud Rio Hondo to old Sarstoon (de Sarstoon River is de Grenzstroom in’n Süden).

Weblenken[ännern | Bornkood ännern]

Río Hondo (Middelamerika). Mehr Biller, Videos oder Audiodateien to’t Thema gifft dat bi Wikimedia Commons.