Santa Elena (Corozal)

Santa Elena is en Oort in’n Distrikt Corozal, Belize. In’n Oort liggt de Grenzövergang twüschen Belize un den mexikaanschen Bundsstaat Quintana Roo mit de Grootstadt Chetumal.

Geografie

De Oort liggt an’n Hondo River un knapp teihn Kilometer af von de Bucht von Chetumal. Direkt in’n Süden liggt de Four Mile Lagoon.

De Öörd ümto sünd Subteniente López in’n Noorden, Chetumal in’n Noordoosten, Consejo in’n Süüdoosten, Corozal in’n Süden, Chan Chen in’n Süüdwesten, Juan Sarabia in’n Westen un Huay-Pix in’n Noordwesten.

An’n 28. September 1955 is de Oort von Hurrikan Janet so swoor drapen worrn, dat dor keen Huus bi stahn bleven is.

In Santa Elena liggt de Corozal Free Zone, de 1995 inricht worrn is.

Dör’n Oort löppt de Philip Goldson Highway, de in’n Süden över Corozal un Orange Walk na Belize-Stadt föhrt un in’n Noorden över de Grenz na Mexiko un dor in de MEX-186 münnt.

De nächste Flegerhaven is de Aeropuerto Internacional Chetumal un de nächste Flegerhaven in’t Binnenland de Corozal Airport.

Santa Elena (Corozal). Mehr Biller, Videos oder Audiodateien to’t Thema gifft dat bi Wikimedia Commons.