Corozal Free Zone

Vun Wikipedia
Zur Navigation springen Zur Suche springen
Geschäft in de Freezoon
Kuntrull twüschen Belize un de Freezoon

De Corozal Free Zone (Commercial Free Zone at Corozal) is en Freezoon in Santa Elena, Distrikt Corozal, Belize, an de Grenz to Mexiko. Güntsied de Grenz op dat annere Över von’n Stroom Hondo liggt de mexikaansche Oort Subteniente López un dichtbi ok de Grootstadt Chetumal (all beid in dat Municipio Othón P. Blanco, Bundsstaat Quintana Roo).

Betahlt warrt in de Freezoon mit Belize-Dollars, US-Dollars un Mexikaansche Pesos.

Historie[ännern | Bornkood ännern]

Belize hett 1994 mit’n Commercial Free Zone Act de Gesettsgrundlaag för de Freezoon fastsett. 1995 is denn beslaten worrn, de Zoon an de Grenz to Mexiko intorichten. Dat Rebeed is 260 Acres (1,05 km²) groot.

Weertschop un Infrastruktur[ännern | Bornkood ännern]

Princess Casino
Las Vegas Casino

In de Zoon doot üm un bi 2000 Lüüd arbeiden.

Dat gifft dree Kasinos: Princess Casino, Royal Princess Casino un Las Vegas Casino.

Verkehr[ännern | Bornkood ännern]

De Freezoon is an Belize över’n Philip Goldson Highway anslaten, de in’n Süden över Corozal un Orange Walk na Belize-Stadt föhrt. In Mexiko is de Straat över en veer Kilometer langen Tobringer an de Carretera Federal 186 anslaten, de in’n Oosten na Chetumal rinlöppt un in’n Westen an de Carretera Federal 307 anslaten is un na’n Bundsstaat Campeche föhrt.

Weblenken[ännern | Bornkood ännern]

Commons-logo.svg Corozal Free Zone. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:18° 29′ N, 88° 24′ W